January 14, 2026
ඉන්දීය විදේශ අමාත්ය එස් ජයිශංකර් සහ අමෙරිකානු රාජ්ය ලේකම් මාර්කෝ රූබියෝ අතර දුරකතන සාකච්ඡාවක් පවත්වා තිබේ.
ඉන්දීය මාධ්ය පැවසුවේ එහිදී වෙළඳාම, තීරණාත්මක ඛනිජ ලවණ, න්යෂ්ටික බලශක්තිය සහ ආරක්ෂාව යන ක්ෂේත්රවල සහයෝගීතාව පිළිබඳ සාකච්ඡා කර ඇති බවයි.
නවදිල්ලිය සහ වොෂින්ටනය අතර තවමත් විධිමත් ගිවිසුමකට එළඹ නොමැති වෙළඳ සාකච්ඡා මධ්යයේ මෙම ඇමතුම සිදුවිය.
තීරුබදු බාධක අඩු කිරීම සහ වෙළඳපල ප්රවේශය පිළිබඳ ව්යුහාත්මක වෙනස්කම් විසඳීම අරමුණු කරගත් ද්විපාර්ශ්වික වෙළඳ ගිවිසුමක් සඳහා දෙපාර්ශවය මේ වනවිට සාකච්ඡා කරමින් සිටී.
දුරකතන සාකච්ඡාව සම්බන්ධයෙන් අදහස් දක්වමින් ඉන්දීය විදේශ අමාත්යවරයා පැවසුවේ එය ඵලදායී සාකච්ඡා වටයක් බවයි.
දෙපාර්ශ්වය මේ සම්බන්ධයෙන් සහ අනෙකුත් කරුණු සම්බන්ධයෙන් සම්බන්ධතා පවත්වා ගැනීමට එකඟ වී ඇති බවත්, එය සංවාදයේ අඛණ්ඩ පැවැත්ම පෙන්නුම් කරන බවත් ඔහු පැවසීය.
ඉන්දියාව සහ එක්සත් ජනපදය 2030 වන විට ද්විපාර්ශ්වික වෙළඳාම ඩොලර් බිලියන 500 දක්වා දෙගුණ කිරීමට වඩා වැඩි කිරීමේ අභිලාෂකාමී ඉලක්කයක් තබා ඇත.
