සයිබර් හිරිහැර කිරීම්, හිරිහැර කිරීම් හෝ පෞද්ගලික අපයෝජනයන්හි නියැලෙන සමාජ මාධ්‍ය ගිණුම් තම ඩිජිටල් වේදිකා සමඟ අන්තර් ක්‍රියාකිරීම සීමා කිරීමට කටයුතු කරන බවට බටහිර ඉන්දීය කොදෙව් ක්‍රිකට් ආයතනය නිවේදනය කර තිබේ.

එම ආයතනය ක්‍රිකට් රසිකයන්ගෙන් ඉල්ලා සිටින්නේ ගෞරවනීය මාර්ගගත සම්බන්ධතාවක් පවත්වා ගන්නා ලෙසයි.

සෞඛ්‍ය සම්පන්න විවාදයක් සාදරයෙන් පිළිගත හැකි නමුත් අන්‍යෝන්‍ය ගෞරවය සියලු අන්තර්ක්‍රියා වල හදවතේ පැවතිය යුතු බවකොදෙව් ක්‍රිකට් ආයතනය ගෞරවනීය මාර්ගගත හැසිරීම පිළිබඳ ඉල්ලා සිටින නිවේදනය මගින් පැවසීය.

ක්‍රීඩකයන් සහ ඔවුන්ගේ පවුල් කෙරෙහි අපයෝජන හැසිරීම්වලට බටහිර ඉන්දීය කොදෙව් ක්‍රිකට් ක්‍රීඩාවේ කිසිදු ස්ථානයක් නොමැති බව මණ්ඩලය අනතුරු අඟවා තිබේ.

මාර්ගගත අදහස් දැක්වීම් විශේෂයෙන් තරුණ පිරිසට සැබෑ සහ කල් පවතින බලපෑමක් ඇති කළ හැකි බව බටහිර ඉන්දීය කොදෙව් ක්‍රිකට් ආයතනය සඳහන් කළේය.

“අපයෝජන හැසිරීම් ඇති කරන හෝ ඒවාට සම්බන්ධ වන ගිණුම් වහාම ක්‍රියාත්මක වන පරිදි අපගේ පිටු සමඟ අන්තර් ක්‍රියා කිරීම සීමා කරනු ලැබේ,” යනුවෙන් ප්‍රකාශයේ සඳහන් විය.

බටහිර ඉන්දීය කොදෙව් ක්‍රිකට් ආයතනය ආධාරකරුවන්ගෙන් සහ පාර්ශ්වකරුවන්ගෙන් ඉල්ලා සිටියේ එහි ඩිජිටල් වේදිකා හරහා කල්පනාකාරීව සහ ගෞරවනීයව සම්බන්ධ වන ලෙසයි.