6 ශ්‍රේණියේ ඉංග්‍රීසි භාෂා මොඩියුලය වටා ඇති මතභේදය සම්බන්ධයෙන් ජාතික අධ්‍යාපන ආයතනයේ (NIE) නියෝජ්‍ය අධ්‍යක්ෂ ජනරාල් දර්ශන සමරවීර අනිවාර්ය නිවාඩු යවා ඇත.

එම ගැටලුව සම්බන්ධයෙන් තවත් NIE නිලධාරීන් දෙදෙනෙකුගේ වැඩ තහනම් කර ඇත.

මීට පෙර, අභ්‍යන්තර පරීක්ෂණයක ප්‍රතිඵල ලැබෙන තෙක් NIE අධ්‍යක්ෂ ජනරාල් මහාචාර්ය මංජුලා විතානපතිරණ සිය තනතුරෙන් ඉල්ලා අස්විය.

අලුතින් සකස්කරන ලද 6 ශ්‍රේණියේ ඉංග්‍රීසි මොඩියුලයක අන්තර්ගතයේ නුසුදුසු වෙබ් අඩවියක් පිළිබඳ සඳහනක් ඇතුළත් බව තහවුරු වීමෙන් පසු අධ්‍යාපන අමාත්‍යාංශය විසින් එය බෙදාහැරීම අත්හිටුවන ලදී.

NIE විසින් සකස් කර දැනටමත් මුද්‍රණය කර ඇති පෙළපොත විධිමත් පැමිණිල්ලකින් පසුව පරීක්ෂාවට ලක්විය.