ත්‍රිකුණාමලය බෝධිරාජ විහාරස්ථානයේ බුද්ධ ප්‍රතිමා සිද්ධිය සම්බන්ධයෙන් බලංගොඩ කස්සප භික්ෂුව ඇතුළු බෞද්ධ භික්ෂුන් වහන්සේලා සිව්දෙනකු සහ තවත් පස්දෙනෙකු ජනවාරි 28 වැනි දින දක්වා තවදුරටත් රක්ෂිත බන්ධනාගාරගත කරන ලදී.

වෙරළ සංරක්ෂණ නීති උල්ලංඝනය කරමින් ත්‍රිකුණාමලයේ වෙරළබඩ කලාපයක් තුළ බුද්ධ ප්‍රතිමාවක් අනවසරයෙන් ස්ථානගත කිරීම සම්බන්ධ චෝදනා මත සැකකරුවන් අධිකරණයට ඉදිරිපත් කරන ලදී.

මෙම නඩුව පැන නගින්නේ පසුගිය වසරේ නොවැම්බර් 16 වැනි දින බලධාරීන් විසින් ප්‍රතිමාව ඉවත්කිරීමට ගත් උත්සාහයකින් පසු නොසන්සුන්තාවයක් ඇති වූ සිදුවීමකිනි.

ඉදිකිරීම් සඳහා අවශ්‍ය අනුමැතිය ලැබී නොමැති බව පවසමින් වෙරළ සංරක්ෂණ දෙපාර්තමේන්තුව පොලිසියට පැමිණිල්ලක් ඉදිරිපත් කර තිබිණි.