මධ්‍යම පරිසර අධිකාරියේ මාධ්‍ය ප්‍රකාශක අජිත් ගුණවර්ධන පවසන්නේ, දිවයිනේ බොහෝ ප්‍රදේශවල වාතයේ ගුණාත්මකභාවය පහත වැටීමක් වාර්තා වී ඇති බවයි.

අජිත් ගුණවර්ධනට අනුව, ඊයේ (18) සිට උතුරු, උතුරු මැද, වයඹ, බටහිර සහ දකුණු පළාත්වල මෙන්ම රත්නපුර සහ කෑගල්ල දිස්ත්‍රික්කවල වායු ගුණාත්මක දර්ශකය (AQI) 150 ත් 200 ත් අතර පරාසයක පවතී.

මෙම මට්ටම මධ්‍යස්ථ සෞඛ්‍ය සම්පන්න නොවන තත්වයක් ලෙස විස්තර කළ ඔහු, ඉදිරි දින දෙක තුළ තත්වය යහපත් වනු ඇතැයි අපේක්ෂා කරන බව පැවසීය.

වර්තමාන වායු ගුණාත්මක භාවය පිරිහීමට අර්ධ වශයෙන් හේතු වී ඇත්තේ රටේ දේශසීමා හරහා දූෂිත වාතය ගමන් කිරීම නිසා ඇති වන අන්තර්-දේශසීමා වායු දූෂණය බව හෙතෙම පැහැදිලි කළේය.

වාතයේ ගුණාත්මකභාවය පහත වැටීම සංවේදී පුද්ගලයන්ට අහිතකර ලෙස බලපෑ හැකි බවට ඔහු අනතුරු ඇඟවූ අතර, ශ්වසන අපහසුතා හෝ අසාත්මිකතා ප්‍රතික්‍රියා අත්විඳින්නේ නම් වහාම වෛද්‍ය ප්‍රතිකාර ලබාගන්නා ලෙස මහජනතාවගෙන් ඉල්ලා සිටියේය.

එළිමහන් දහනය සිදුකිරීම සහ වාහන විමෝචනය වැනි තත්වයන් වායු දූෂණයට සැලකිය යුතු ලෙස දායක වන බව ඔහු පෙන්වාදෙයි.

ප්ලාස්ටික් සහ පොලිතීන් වැනි ද්‍රව්‍ය දහනය කිරීමෙන් වළකින ලෙස ඔහු විශේෂයෙන් මහජනතාවගෙන් ඉල්ලා සිටියි.