January 17, 2026
කාසිකොටේ අලි උමං ව්යාපෘතියේ ව්යුහය සහ එහි බලපෑම පිළිබඳ පුළුල් සමාලෝචනයකින් පසුව ව්යාපෘතියේ වැඩ කටයුතු ජනවාරි 19 වැනිදා නැවත ආරම්භ කිරීමට නියමිතව තිබේ.
දුම්රිය දෙපාර්තමේන්තුව විසින් ඉදිරිපත් කරන ලද ඒකාබද්ධ පරීක්ෂණ වාර්තාවකට අනුව, වනජීවී සංරක්ෂණ දෙපාර්තමේන්තුව විසින් නිසි නියාමනයක් හෝ පාරිසරික තක්සේරුවක් නොමැතිව ඉදිකරන ලද උමගෙහි, හදිසි අවධානයක් අවශ්ය වන ගැටළු සහගත ප්රදේශ කිහිපයක් පවතින බව පෙනීගොස් ඇත.
මෙම අඩුපාඩු තිබියදීත්, අලි මිනිස් ගැටුම අවම කිරීම සහ අලි ඇතුන් සහ මිනිසුන් යන දෙපිරිසටම ආරක්ෂිත ගමන් මාර්ගයක් සහතික කිරීම අරමුණු කරගත් ධනාත්මක සහ වැදගත් සංකල්පයක් ලෙස බලධාරීන් උමග පිළිගෙන තිබේ.
අලි වාසස්ථාන සහ මිනිස් ජීවිත ඵලදායී ලෙස ආරක්ෂා කිරීම සඳහා පහසුකම් වැඩිදියුණු කරන අතරම පවතින ගැටළු විසඳීමේ අරමුණින් ව්යාපෘතියේ වැඩ නැවත ආරම්භ කිරීමට තීරණය කර ඇත.
පරිසර අමාත්ය ධම්මික පටබැඳි, නියෝජ්ය අමාත්ය ඇන්ටන් ජයකොඩි සහ ප්රවාහන අමාත්ය බිමල් රත්නායක යන පිරිසගේ මඟ පෙන්වීම සහ මැදිහත්වීම යටතේ ඉදිකිරීම් සහ නිවැරදි කිරීමේ පියවර නැවත ආරම්භ කෙරේ.
දිගු කාලීන තිරසාරභාවය සහ කාර්යක්ෂමතාව සහතික කිරීම සඳහා නිසි අධීක්ෂණය සහ අවශ්ය පාරිසරික සළකා බැලීම් සමඟ අලුත් කරන ලද ව්යාපෘතිය ඉදිරියට ගෙන යන බව නිලධාරීන් ප්රකාශ කර ඇත.
“කාසිකෝටේ අලි උමග ඉදිකර තිබෙන්නේ දුම්රිය මාර්ගය ඔස්සේ ප්රධාන මාර්ග මට්ටමට අඩි හයක් පහළින්. එබැවින්, අලි ඇතුන්ට පහසුවෙන් උමඟට ඇතුළු වීමට හැකි වන පරිදි බෑවුමක් නිර්මාණය කළ යුතුයි. වාහන වේගය අඩු කිරීමට උමඟ අසල ප්රධාන මාර්ගයේ වේග බාධක සවි කර තිබෙනවා, නිරීක්ෂණය සඳහා CCTV කැමරා පද්ධතියක් ද තිබෙනවා,” යනුවෙන් නිලධාරියෙක් පැවසීය.
ඊට අමතරව, අලි ඇතුන් සම්බන්ධ හදිසි අනතුරු වැළැක්වීම පිළිබඳ දුම්රිය රියදුරන් දැනුවත්කිරීමේ වැඩසටහනක් දියත් කර ඇත.
හඳුනාගත් අලි අනතුරු බහුල ප්රදේශවල දුම්රිය මාර්ග ඔස්සේ ආරක්ෂාව වැඩි දියුණු කිරීම සඳහා සංඥා පුවරු 147ක් සවි කර ඇත.
