2026 වසරේ පැවැත්වෙන ICC T20 ලෝක කුසලාන තරඟ ඉන්දියාවෙන් ශ්‍රී ලංකාවට ගෙනයෑමට බංග්ලාදේශය කළ ඉල්ලීම අන්තර්ජාතික ක්‍රිකට් කවුන්සිලය (ICC) ප්‍රතික්ෂේප කර තිබේ.

ආරක්ෂක ගැටළු හේතුවෙන් බංග්ලාදේශ ක්‍රිකට් මණ්ඩලය පසුගිය ඉරිදා (4) දින ICC වෙත නිල වශයෙන් ලිපියක් යවා ඇති අතර, ඉදිරි තරඟාවලියේදී එහි C කාණ්ඩයේ තරඟ සඳහා ස්ථාන වෙනසක් ඉල්ලා සිටියේය.

ESPNCricinfo වෙබ් අඩවියට අනුව, අඟහරුවාදා (6) පැවති රැස්වීමකදී, ICC ආයතනය බංග්ලාදේශය වෙත පවසා ඇත්තේ, එම ඉල්ලීම ප්‍රතික්ෂේප කරන බවත්, බංග්ලාදේශයට තම තරඟ ක්‍රීඩාකිරීමට ඉන්දියාවට යෑමට අවශ්‍ය බවත්ය.

බංග්ලාදේශය ඉන්දියාවේ තරඟ ක්‍රීඩා නොකළහොත් ලකුණු අහිමි වීමේ අවදානමක් ඇති බව ICCය පැවසූ බව වාර්තා වේ.

කෙසේවෙතත්, ICCය විසින් එවැනි අවසාන නිවේදනයක් ලබා දී නොමැති බව බංග්ලාදේශය පවසා ඇත.

මෙම ඉල්ලීමෙන් පසුව ICC, ඉන්දීය ක්‍රිකට් පාලක මණ්ඩලය හෝ බංග්ලාදේශ ක්‍රිකට් පාලක මණ්ඩලය විසින් නිල නිවේදනයක් තවමත් නිකුත් කර නොමැත.

බංග්ලාදේශ ක්‍රිකට් පාලක මණ්ඩලය විසින් ICC වෙත මෙම ඉල්ලීම ඉදිරිපත් කිරීමට තීරණය කර තිබුණේ, කොල්කටා නයිට් රයිඩර්ස් කණ්ඩායමට බංග්ලාදේශ වේගපන්දු යවන ක්‍රීඩක මුස්තාෆිසුර් රහ්මාන් ඔවුන්ගේ IPL 2026 සංචිතයෙන් නිදහස් කරන ලෙස උපදෙස් දීමෙන් පසුවය.

බංග්ලාදේශ ක්‍රිකට් පාලක මණ්ඩලයේ ලේකම් දේවජිත් සයිකියා මීට පෙර හෙළිකළේ, බංග්ලාදේශයේ දේශපාලන අවිනිශ්චිතතාව සහ ප්‍රචණ්ඩත්වය දෙරට අතර සබඳතා පළුදු කිරීමෙන් පසුව කොල්කටා නයිට් රයිඩර්ස් කණ්ඩායමට මුස්තාෆිසුර් නිදහස් කරන ලෙස දැනුම්දුන් බවයි.