December 30, 2025
රුසියානු ජනාධිපති ව්ලැදිමීර් පුටින්ගේ නිවසට යුක්රේනය පහර දුන් බවට පළ වූ වාර්තා සම්බන්ධයෙන් ඉන්දීය අග්රාමාත්ය නරේන්ද්ර මෝදි දැඩි කනස්සල්ල පළ කර තිබේ.
එමෙන්ම් පවතින යුද්ධය අවසන් කිරීම සඳහා රාජ්ය තාන්ත්රික උත්සාහයන් කෙරෙහි අවධානය යොමු කරන ලෙස ද අග්රාමාත්යවරයා දෙරටෙන් ඉල්ලා සිටියේය.
“රුසියානු ජනාධිපතිවරයාගේ නිවස ඉලක්ක කර ගත් බවට පළ වන වාර්තා පිළිබඳව දැඩි කනස්සල්ලට පත්ව සිටියි. අඛණ්ඩ රාජ්ය තාන්ත්රික උත්සාහයන් සතුරුකම් අවසන් කර සාමය ළඟා කර ගැනීම සඳහා වඩාත්ම ශක්ය මාවතක් ලබා දෙයි. මෙම උත්සාහයන් කෙරෙහි අවධානය යොමු කරන ලෙසත් ඒවා අඩපණ කළ හැකි ඕනෑම ක්රියාමාර්ගයකින් වැළකී සිටින ලෙසත් අපි අදාළ සියලු දෙනාගෙන් ඉල්ලා සිටිමු,” අගමැති මෝදි X හි සටහනක සඳහන් කළේය.
2022 පෙබරවාරි මාසයේ රුසියානු-යුක්රේන යුද්ධය ආරම්භ වූ දා සිට අගමැති මෝදි සංවාදය සහ රාජ්ය තාන්ත්රිකභාවය සඳහා අවධාරණය කරමින් සිටී.
රුසියාවේ විදේශ අමාත්ය සර්ජි ලැව්රොව් සඳුදා පැවසුවේ, යුක්රේනය මොස්කව් සහ සාන්ත පීටර්ස්බර්ග් අතර පිහිටි පුටින්ගේ නිවසට ඩ්රෝන ප්රහාරයක් එල්ල කළ බවයි.
ඔහුට අනුව, නොව්ගොරොඩ් කලාපයේ පුටින්ගේ නිල නිවස ආසන්නයේදී ඩ්රෝන යානා 91 ක් වෙඩි තබා බිම හෙළන ලදී.
කෙසේ වෙතත්, සිද්ධියෙන් කිසිදු හානියක් හෝ ජීවිත හානියක් වාර්තා වී නැත.
