ගුවන් ටිකට්පත්, හෝටල් වෙන් කිරීම් සහ නිවාඩු පැකේජ ආදිය සඳහා සංචාරක සේවා සපයන ඉන්දියානු මාර්ගගත සංචාරක සමාගමකට අයත් මාර්ගගත වේදිකාවක් වන MakeMyTrip විසින් නිකුත් කරන ලද වසර අවසාන වෙන්කිරීමේ දත්තවලට අනුව, එක්සත් අරාබි එමීර් රාජ්‍යය අභිබවා තායිලන්තය ඉන්දියානු සංචාරකයන් සඳහා වැඩිම වෙන්කිරීම් සහිත අන්තර්ජාතික ගමනාන්තය බවට පත්ව තිබේ.

වසර අවසාන නිවාඩු කාලය සඳහා කරන ලද වෙන්කිරීම් මත පදනම් වූ දත්තවලින් පෙනී යන්නේ, ඉන්දියානු සංචාරකයන් විසින් වෙන්කරවා ගන්නා ලද ඉහළම විදෙස් ගමනාන්ත පහ අතර එක්සත් අරාබි එමීර් රාජ්‍යය දෙවැනි ස්ථානයටත් ශ්‍රී ලංකාව තුන්වැනි ස්ථානයටත් පත්ව ඇති බවයි.

ඉන්දීය සංචාරකයන් වැඩියෙන්ම යන රටවල් 5 අතර වියට්නාමය සහ මැලේසියාව ද තිබේ.

සංචාරක කර්මාන්ත විශ්ලේෂකයන් පවසන් පරිදි තායිලන්තයේ ඉහළම ශ්‍රේණිගත කිරීමට හේතු වී ඇත්තේ ශක්තිමත් ගුවන් සම්බන්ධතා, වීසා-හිතකාමී ප්‍රවේශ ප්‍රතිපත්ති, තරඟකාරී මිලකරණය සහ පුළුල් පරාසයක විවේක දීමනාය.

කෙටි ගමන් කාලය, සාප්පු සවාරි සහ පවුල්-හිතකාමී ආකර්ෂණීය ස්ථාන හේතුවෙන් එක්සත් අරාබි එමීර් රාජ්‍යය අඛණ්ඩව ජනප්‍රිය තේරීමක් ලෙස පැවතිණි.

ශ්‍රී ලංකාවේ තුන්වැනි ස්ථාන ශ්‍රේණිගත කිරීමට හේතුවී ඇත්තේ වැඩිදියුණු කළ සම්බන්ධතා, සරල කළ වීසා ප්‍රවේශය සහ කෙටි දුර ගමනාන්ත සොයන ඉන්දියානු සංචාරකයන්ගේ වැඩි උනන්දුවයි.

දැරිය හැකි මිල සහ වර්ධනය වන සංචාරක යටිතල පහසුකම් හේතුවෙන් වියට්නාමය සහ මැලේසියාව ද ශක්තිමත් ඉල්ලුමක් වාර්තා කර ඇත.

උපරිම සංචාරක කාලවලදී ආසියාවේ සහ මැදපෙරදිග කෙටි දුර විදෙස් ගමනාන්ත සඳහා ඉන්දියානු සංචාරකයන් අතර පැහැදිලි කැමැත්තක් ඇති බව දත්ත මගින් පෙනීගොස් ඇත.

එහිදී ගමන් පහසුව සහ මුදලට වටිනාකම ප්‍රධාන සාධක ලෙස මතුවන බව MakeMyTrip පැවසීය.