2004 සුනාමියෙන් සිදු වූ පැරෑලිය දුම්රිය ව්‍යසනයට හසු වූ දුම්රිය එන්ජිම මෙම වසරේ සංකේතාත්මක අනුස්මරණ ධාවනයට සහභාගී නොවූ බව වාර්තා වේ.

එම මුල් එන්ජිම නොතිබුණද, ව්‍යසනයේ 21 වැනි සංවත්සරය සැමරීම සඳහා ආදේශක දුම්රිය එන්ජිමක් භාවිත කරමින් මාතර දක්වා ‘සුනාමි දුම්රිය’ ක්‍රියාත්මක කිරීමට දුම්රිය දෙපාර්තමේන්තුව අද (26) පියවර ගෙන තිබිණි.

පසුගිය වසරවල මෙම අනුස්මරණ ගමන සඳහා නිරන්තරයෙන් භාවිත කරන ලද මුල් දුම්රිය එන්ජිම, තාක්ෂණික දෝෂයක් හේතුවෙන් මෙවර යෙදවිය නොහැකි බව දුම්රිය දෙපාර්තමේන්තුව සඳහන් කර තිබේ.

නිල මූලාශ්‍රවලට අනුව, අද උදෑසන එන්ජිමේ අක්ෂයේ දෝෂයක් හඳුනාගෙන ඇති අතර, එමඟින් නියමිත ධාවනය සඳහා දුම්රිය එන්ජිම ක්‍රියාත්මක කිරීමට නොහැකි වී ඇත