November 21, 2025
ඉරානයේ චබහාර් වරායේ සිට වෙළඳ මාර්ගය ක්රියාකාරී බව සහතික කිරීමට සහය ලබා දෙන ලෙස ඉන්දීය රජයෙන් ඉල්ලා සිටින බව ඇෆ්ගනිස්තානය පවසයි.
එවිට වෙළඳාම තරඟකාරීව පවතින බව ද ඇෆ්ගනිස්ථානයේ වැඩබලන වාණිජ හා කර්මාන්ත අමාත්ය අල්හාජ් නූරුදීන් අසීසි පැවසුවේය.
නිල සංචාරයක් සඳහා ඉන්දියාවට පැමිණ සිටි අමාත්යවරයා එරට වාණිජ කර්මාන්ත මණ්ඩලයේ උත්සවයකදී ව්යාපාරික දූත පිරිසක් නියෝජනය කරමින්, එහි වටිනා අපේක්ෂාවන් සහතික කිරීම සඳහා මාර්ගයේ තවදුරටත් ආයෝජන සිදු කරන ලෙස ඉන්දීය පෞද්ගලික අංශයෙන් ද ඉල්ලා සිටියේය.
මෑත මාසවලදී දෙරට අතර ඇති වූ ආතතීන්ගෙන් පසුව, පකිස්ථානය හරහා මාර්ග භාවිතා කිරීම වළක්වා ගැනීම සඳහා ඉරානයේ චබහාර් වරාය භාවිතා කිරීම ඇෆ්ගනිස්තානයට අත්යවශ්ය දෙයක් බවට පත්වෙමින් තිබේ.
ඇෆ්ගනිස්ථානයේ ආයෝජනය කරන ලෙස ඉන්දීය පෞද්ගලික අංශයෙන් ද අමාත්යව අසීසි ඉල්ලා සිටියේය.
ඇෆ්ගනිස්ථානයේ පිහිටුවනු ලබන නව කර්මාන්ත සඳහා බදු ගෙවීමෙන් වසර පහක නිදහස් කිරීමක් ලබා දීමට තම රජය සලකා බලමින් සිටින බව ඔහු පැවසීය. කාබුල්හි රජය දැනටමත් ඔවුන්ගේ දේශීය කර්මාන්තවලට අදාළ අමුද්රව්ය සහ යන්ත්රෝපකරණ සඳහා තීරුබදු වලදී මනාප සැලකිල්ලක් ලබා දෙන බව ද ඔහු පැවසීය.
