ආර­ක්ෂක අංශ­වල සේවයේ නියු­තුව සිටි කණ්ඩා­ය­ම්ව­ලට චෝදනා එල්ල වල බර­ප­තළ අප­රාධ පිළි­බඳ යුද හමු­දාව සහ නාවික හමු­දාව මඟින් විම­ර්ශන වාර්තා දෙකක් සකස් කිරී­මට තීර­ණය කර ඇත.

ඒ වාර්තා සඳහා බර­ප­තළ අප­රාධ 8ක් ඇතු­ළත් කිරී­මට නිය­මිත අතර, අදාළ චුදි­ත­යන්ගේ ප්‍රකාශ සහ ඔවුන්ගේ ලිපි­ගොනු වාර්තාද ඒවාට ඇතු­ළත් කිරීම සම්බ­න්ධ­යෙන් සාකච්ඡා කර තිබේ.

යුද හමු­දාවේ සහ නාවික හමු­දාවේ සේවයේ නියු­තුව සිටි සහ දැනට සේවයේ නියුතු කණ්ඩා­යම් කිහි­ප­ය­කට පසු­ගිය කාලයේ බර­ප­තළ අප­රාධ චෝදනා ගණ­නා­වක් එල්ල විය. ඒ පිළි­බඳ අධි­ක­ර­ණයේ නඩු විභාග වෙමින් තිබේ.

කෙසේවෙතත් මීට පෙර යුද හමු­දා­වෙන් අවස්ථා කිහි­ප­ය­කදී එවැනි වාර්තා ඉල්ලා තිබු­ණද, විවිධ හේතු දක්ව­මින් එම වාර්තා ලබා­දීම ප්‍රමාද කර තිබිණි.

ඊට හොඳම උදා­හ­ර­ණ­යක් වන්නේ මාධ්‍ය­වේදි ප්‍රගීත් එක්නැ­ලි­ගොඩ පැහැ­ර­ගෙන ගොස් අතු­රු­දන් කිරීම පිළි­බඳ නඩු­වේදී යුද හමු­දාව කට­යුතු කළ ආකා­ර­යයි.

එසේම කොළඹ සහ තදා­සන්න ප්‍රදේ­ශ­වල පදිං­චිව සිටි තරු­ණ­යන් 11 දෙනකු කප්පම් ලබා­ගැ­නීම සඳහා පැහැ­ර­ගෙන ගොස් අතු­රු­දන් කිරීමේ සිදු­වීම සම්බ­න්ධ­යෙන් චෝදනා එල්ල වී ඇති නාවික හමු­දා­වද ඊට අදාළ වාර්තා නිය­මිත පරිදි ලබාදී තිබුණේ නැත.(සිළුමිණ)