November 19, 2025
ඇෆ්ගනිස්ථානයේ කර්මාන්ත හා වාණිජ කටයුතු අමාත්ය අල්හාජ් නූරුදීන් අසීසි නිල සංචාරයක් සඳහා ඉන්දියාවට පැමිණ තිබේ.
දෙරට අතර වෙළඳ හා ආයෝජන සබඳතා ශක්තිමත් කිරීම මෙම සංචාරයේ අරමුණයි.
මෑත කාලීනව දෙරට අතර උද්ගත වූ ගැටුම්වලින් පසුව පාකිස්තානය ඇෆ්ගනිස්ථානය සමඟ ඇති ප්රධාන දේශසීමා හරස් මාර්ග වසා දමා ඇති අතර, එමඟින් ඇෆ්ගන් අපනයනකරුවන්ට, විශේෂයෙන් පලතුරු වෙළෙන්දන්ට දැඩි පාඩු සිදු විය.
එම වසා දැමීම් හේතුවෙන් ඇෆ්ගනිස්තානය තම ව්යාපාරික ප්රජාව පාකිස්තානයෙන් ඈත් වී වෙළඳපල විවිධාංගීකරණය සඳහා අවස්ථා සොයමින් සිටින අතර ඉන්දියාව ඔවුන්ගේ ප්රමුඛතම ගමනාන්තය බවට පත්ව තිබේ.
ඒ අනුව අමාත්යවරයා නව වෙළඳපල අවස්ථා වෙනුවෙන් මෙම සංචාරය සිදු කරන බව පැවසේ.
මෙම ඉන්දීය සංචාරයේදී ඇෆ්ගන් වාණිජ අමාත්යවරයා එරට නියෝජිතයින් පිරිසක් සමග 2025 ඉන්දීය ජාත්යන්තර වෙළඳ ප්රදර්ශනයට ද සහභාගී වී තිබේ.
2021 න් පසු එවැනි ප්රදර්ශනයක් සඳහා ඇෆ්ගන් අමාත්යවරයෙකුගේ සහභාගී වූ පළමු අවස්ථාව මෙයයි.
එහිදී ප්රදර්ශනයේ කළමනාකාර අධ්යක්ෂ නීරාජ් ඛාර්වාල් විසින් ඔහුව පිළිගනු ලැබූ අතර, ඔහු ප්රදර්ශනයේ පහසුකම් සහ අනාගත ප්රදර්ශන සඳහා ගැඹුරු ඇෆ්ගන් සහභාගීත්වයක් සඳහා ඇති අවස්ථා පිළිබඳව ඔහුට විස්තර කළේය.
