එක්සත් රාජධානියේ දේශීය ආරක්ෂක සේවය වන MI5 බ්‍රිතාන්‍ය නීති සම්පාදකයින්ට චීන අනුග්‍රහය ලත් නව උත්සාහයන් පිළිබඳව අනතුරු ඇඟවීමක් සිදු කර තිබේ.

එමඟින් පාර්ලිමේන්තුව වටා චීනය විසින් ඔත්තු බැලීම පිළිබඳ කනස්සල්ල නැවත ඇති විය.

චීන බුද්ධි අංශ විසින් පවත්වාගෙන යනු ලබන බව පැවසූ ඔත්තු බැලීමේ කණ්ඩායම් නියෝජනය කරන බව කියන මාර්ගගත ගිණුම් දෙකක් හඳුනාගෙන MI5 සේවය එලෙස අනතුරු ඇඟවීමක් නිකුත් කර ඇතැයි වාර්තා වේ.

මෙම ගිණුම් BP-YR විධායක සෙවුම් සහ සීමාවාසික සංගමය නමින් හැඳින්වෙන සමාගම් සඳහා බඳවා ගැනීම් සිදු කරන ලදී.

ආරක්ෂක සේවය පාර්ලිමේන්තු මන්ත්‍රීවරුන්ට පැවසුවේ ඔත්තුකරුවන් එවැනි ආවරණ කතා භාවිතා කර LinkedIn වැනි ජාලකරණ වෙබ් අඩවිවල බ්‍රිතාන්‍ය දේශපාලනඥයින් සහ නිලධාරීන් වෙත ළඟා වූ බවයි.

බොහෝ විට නිදහස් උපදේශකයින් ලෙස රැකියා ලබා දෙන බව ද ඔවුන් අනතුරු අගවා ඇත.

ඔත්තුකරුවන් ලෙස වෙස්වලාගත්’හෙඩ්හන්ටර්ස්’ හරහා චීනය පාර්ලිමේන්තු මන්ත්‍රීවරුන් බඳවා ගැනීමට උත්සාහ කරන බවට මෙමගින් අවවාද කර ඇති බව විදෙස් ජනමාධ්‍ය වාර්තා කරයි.