අන්තර් පළාත් මගී ප්‍රවාහන සේවා පරීක්ෂා කිරීමේදී සැළකිව යුතු අඩුපාඩු සිදුවන බව 2024 දෙසැම්බර් 31 දිනෙන් අවසන් වූ වර්ෂය සඳහා ජාතික ප්‍රවාහන කොමිෂන් සභාවේ (NTC) විගණන වාර්තාව මගින් අනාවරණ වී ඇත.

වාර්තාවට අනුව, 2024 අවසානය වන විට කොමිෂන් සභාව මගී සේවා බලපත්‍ර 3,200ක් පමණ නිකුත් කර තිබිණි

කෙසේවෙතත්, මගී ආරක්ෂාව සහ සේවා ප්‍රමිතීන් සහතික කිරීම අරමුණු කරගත් තත්ත්ව පරීක්ෂණවලට භාජනය වී තිබුණේ බස් රථ 1,515ක් නැතහොත් 47%ක් පමණි.

මගීන්ගේ ආරක්ෂාව සහ පහසුව පවත්වා ගැනීමට සෑම මගී සේවා බස්රථ බලපත්‍රයක්ම නිතිපතා තත්ත්ව පරීක්ෂණවලට භාජනය විය යුතු බව විගණන නිරීක්ෂණයෙන් අවධාරණය කෙරිණි.

බොහෝ බස් රථ ඔවුන්ගේ වාර්ෂික පිරිවිතර පරීක්ෂණ සඳහා ඉදිරිපත් නොකිරීම හේතුවෙන්, පොදු මගී ප්‍රවාහනයේ සමස්ත ගුණාත්මකභාවය අඩු මට්ටමක පවතින බව කළමනාකාරිත්වය පිළිගත්තේය.

බැස්ටියන් මාවත සහ රට පුරා අනෙකුත් ප්‍රධාන පර්යන්තවල ජංගම බස් ප්‍රමිති පරීක්ෂණ වැඩසටහන් පැවැත්වීමෙන් මෙම ගැටළුව විසඳීමට සැලසුම් කර ඇති බව ජාතික ප්‍රවාහන කොමිෂන් සභාව ප්‍රකාශ කළේය.

අනාගතයේදී බස් ප්‍රමිති පරීක්ෂණ වැඩසටහනක් පුළුල්ව ක්‍රියාත්මක කිරීම සඳහා මෝටර් රථ ප්‍රවාහන දෙපාර්තමේන්තුව සමඟ සම්බන්ධීකරණය කිරීමේ සැලසුම් ද කොමිසම සඳහන් කළේය.

බලපත්‍ර අලුත් කිරීමේදී සියලුම බස් රථ පිරිවිතරයන්ට අනුකූල වීම සඳහා පරීක්ෂා කර ඇති බව සහතික කිරීම සඳහා නිසි පද්ධතියක් සකස් කළ යුතු බවත්, එමඟින් දිගු කාලීනව ආරක්ෂාව සහ සේවා ගුණාත්මකභාවය වැඩිදියුණු කළ යුතු බවත් විගණනය නිර්දේශ කළේය.