මෙරට පැරණිතම ගුවන්තොටුපොළ වන රත්මලාන ගුවන් තොටුපොළ, අති නවීන ගුවන්තොටුපළ පහසුකම් සංකීර්ණයක් ඉදිකිරීමත් සමඟ විශාල පරිවර්තනයක් සඳහා සූදානම් වෙමින් තිබේ.

අමාත්‍ය මණ්ඩලය විසින් අනුමත කිරීමෙන් අනතුරුව එහි පිහිටි යටත්විජිත යුගයේ සිට ක්‍රියාත්මක වූ පැරණි ගුවන් ගමනාගමන පාලන ගොඩනැගිල්ල වෙනුවට මෙම නව සංකීර්ණය ප්‍රතිස්ථාපනය කිරීම සඳහා සඳහා සන්කන් කන්ස්ට්‍රක්ෂන්ස් (පෞද්ගලික) සමාගමට ලබා දී ඇති අතර ඇස්තමේන්තුගත පිරිවැය රුපියල් බිලියන 3.04කි.

ගුවන් තොටුපොළේ නව්‍යකරණයත් සමග ගුවන් සංචාලන සංකීර්ණය, උසස් ස්වයංක්‍රීයකරණය, වැඩිදියුණු කළ සන්නිවේදන සහ නිරීක්ෂණ පද්ධති සහ තවත් පාලක සහ මෙහෙයුම් ඇතුළුව නව පරම්පරාවේ ගුවන් ගමනාගමන කළමනාකරණ තාක්ෂණයක් හඳුන්වාදීමට නියමිතව තිබේ.

මෙම කටයුතු අවසන් වූ පසු එය ශ්‍රී ලංකාවට වැඩි නිරවද්‍යතාවකින් සහ ආරක්ෂාවකින් කලාපීය සහ අන්තර්ජාතික ගුවන් ගමන් විශාල ප්‍රමාණයක් හැසිරවීමට ඉඩ සලසයි.

ව්‍යාපෘතියේ කැපීපෙනෙන ලක්ෂණයක් වන්නේ අංශක 360 ක පරිදර්ශක දසුනක් සහිත නව බහු-මහල් පාලන කුළුණයි.

රත්මලාන ගුවන් තොටුපොළේ ස්ථාපිත වත්මන් කුළුණේ සීමිත දෘශ්‍යතාව දිගු කලක් තිස්සේ ආරක්ෂක ගැටළුවක් ලෙස සලකනු ලබන අතර, ගුවන් යානා මෙහෙයුම් සීමාකරයි. නව ව්‍යුහය මෙම අවදානම් ඉවත් කරන අතර ආරක්ෂිත, වේගවත් භූමි සහ ගුවන් මෙහෙයුම් සඳහා ඉඩ සලසයි.

මෙම පහසුකම මගින් ශ්‍රී ලංකාවේ විශාල ඉහළ ගුවන් අවකාශය කළමනාකරණය කිරීමේ ධාරිතාව වැඩිකරනු ඇති අතර එය ‍රටේ භූමි ප්‍රමාණය මෙන් 27 ගුණයක් පුරා පැතිරී ඇති අතර දිනකට ගුවන් යානා 300 කට වඩා ගමන් කිරීමට සහාය වනු ඇත.

මෙම වැඩිදියුණු කිරීම විදේශ විනිමය ආදායම වැඩිකළ හැකි ආයෝජනයක් වන අතර එය දැනට අධික සේවා ගාස්තු වලින් වාර්ෂිකව ඇමරිකානු ඩොලර් මිලියන 11 ඉක්මවයි.