October 11, 2025
ශ්රී ලංකාවේ ප්රථම AI-බලගැන්වූ හෝටල් ව්යාපෘතිය වන ග්රෑන්ඩ් සෙරන්ඩිබ් කළම්බෝ හි සමාරම්භය ඊයේ (10) රාත්රියේ කොළඹ ෂැන්ග්රි-ලා හෝටලයේදී පැවත්විණි.
විදේශ කටයුතු, විදේශ රැකියා සහ සංචාරක අමාත්ය විජිත හේරත්ගේ ප්රධානත්වයෙන් සමාරම්භය සනිටුහන් විය.
මෙම ව්යාපෘතිය පිටුපස සිටින සමාගම වන ABEC හි 20 වැනි සංවත්සරය ද මෙහිදී සැමරීය.
ශ්රී ලංකා ජාතික ක්රිකට් කණ්ඩායමේ ප්රධාන පුහුණුකරු සනත් ජයසූරිය සහ ABEC හි දිලිප් කේ. හේරත් මෙම මුලපිරීම නිල වශයෙන් දියත් කිරීම සඳහා අමාත්යවරයා සමඟ එක් වූහ.
“මෙම ව්යාපෘතිය ශ්රී ලංකාවේ සැළකිව යුතු ආයෝජනයක්. එය අපගේ සංචාරක අංශයේ වර්ධනය වන විභවය පිළිබිඹු කරනවා. කෘත්රිම බුද්ධිය ඒකාබද්ධ කිරීම මගින් රටේ ස්මාර්ට් ආගන්තුක සත්කාර සහ සංචාරක කර්මාන්තය නව මට්ටමකට ගෙන යනු නියතයි.” යනුවෙන් උත්සවයේදී අදහස් දක්වමින් අමාත්ය හේරත් පැවසුවේය.
මෙම සමාරම්භක අවස්ථාවට පාර්ලිමේන්තු මන්ත්රී ආචාර්ය හර්ෂ ද සිල්වා, දේශීය හා අන්තර්ජාතික විශ්වවිද්යාල මහාචාර්යවරුන්, රාජ්ය තාන්ත්රිකයන් සහ ශාස්ත්රඥයන් සහභාගී වූ අතර, ශ්රී ලංකාවේ සංචාරක හා නවෝත්පාදන භූ දර්ශනය සඳහා ව්යාපෘතියේ වැදගත්කම අවධාරණය කෙරිණි.
