September 30, 2025
කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මෑතකදී කළ ප්‍රකාශයක් සම්බන්ධයෙන් සමාව අයැද සිටී.
ඔහු ‘ගිනස් ලෝක වාර්තාවක්’ ‘නොබෙල් ත්‍යාගය’ ලෙස සඳහන් කරමින් ප්‍රකාශයක් සිදුකළේය.
වීඩියෝ පණිවිඩයකින් අමාත්‍ය හඳුන්නෙත්ති වැරැද්ද පිළිගනිමින් කියාසිටියේ ඊයේ කොළඹ පැවති AI ප්‍රදර්ශනයේදී තමන් ‘ගිනස් ලෝක වාර්තාවක්’ ‘නොබෙල් ත්‍යාගය’ ලෙස වැරදියට සඳහන් කළ බවයි.
“කොළඹ පැවති AI ප්‍රදර්ශනයේදී, ගිනස් ලෝක වාර්තාවක් ලෙස නිල වශයෙන් සහතික කරන ලද, මෙතෙක් අලෙවි වූ වඩාත්ම මිල අධික තේ සඳහා ශ්‍රී ලංකාව ලබාදුන් පිළිගැනීම නොබෙල් ත්‍යාගයක් ලෙස මම වැරදියට සඳහන් කළා. මෙය හිතාමතා කළ දෙයක් නෙවෙයි. මම අදහස් කළේ තේ කර්මාන්තයේ ශක්තිය සහ එහි අනාගතය ප්‍රකාශ කිරීමට පමණයි. මගේ ප්‍රකාශයෙන් බලපෑමට ලක් වූ ඕනෑම අයෙකුගෙන් මම සමාව ඉලා සිටිනවා” ඔහු පැවසීය.
