සිරුරේ ගල් ගැටගසා වතුර දමා තිබූ මළසිරුරක් කැළණි ගඟේ කඩුවෙල පාලම යට තිබී සොයාගෙන ඇත.

එම මළසිරුරේ ඉනෙහි, ගල් පිරවූ කලිසමක් ගැටගසා තිබූ බව කඩුවෙල පොලීසිය පැවසීය.

දින හතරකට පමණ පෙර මෙම පුද්ගලයා මියගොස් ඇති බවට සැකකරන අතර, මළසිරුර ගොඩට ගන්නා විටත් දැඩි ලෙස නරක් වී ඇත.

මළසිරුරේ යට ඇඳුම පමණක් තිබී ඇති අතර, එම පුද්ගලයා ඇද සිට කලිසම බවට සැකකළ හැකි කලිසමක ගල් පුරවා දෙකෙළවර ඉනෙහි ගැටගසා තිබී ඇත.

නුගේගොඩ පොලිස් කොට්ඨාශයේ අපරාධ පරීක්ෂණ නිලධාරීන් විසින් සිද්ධිය සම්බන්ධයෙන් වැඩිදුර පරීක්‍ෂණ සිදුකරයි.