සමගි ජන බලවේගයේ මන්ත්‍රීවරුන් වන හේෂා විතානගේ සහ දිලිප් වෙදආරච්චි, තංගල්ලේදී හිටපු ජනාධිපති මහින්ද රාජපක්ෂ හමුවී තිබේ.

වාර්තාවලට අනුව, මෙම හමුව සිදුවී ඇත්තේ මහින්ද රාජපක්ෂ දැන් පදිංචිව සිටින තංගල්ල කාල්ටන් නිවසේදීය.

හේෂා විතානගේ සහ දිලිප් වෙදආරච්චි යන මන්ත්‍රීවරුන් හිටපු ජනාධිපතිවරයාගේ සුවදුක් විමසීමට ඔහු බැලීමට ගොස් ඇති බව වාර්තා වේ.

හේෂා විතානගේ මීට පෙර ශ්‍රී ලංකා නිදහස් පක්ෂය නියෝජනය කරමින් ඇඹිලිපිටිය ප්‍රාදේශීය සභාවේ සභාපතිවරයා ලෙස කටයුතු කළ අතර, සජබ මන්ත්‍රී දිලිප් වෙදආරච්චි පාර්ලිමේන්තුවේ හම්බන්තොට දිස්ත්‍රික්කය නියෝජනය කරයි.