එක්සත් ජාතීන්ගේ මහාමණ්ඩලයේ 80 වැනි සැසිවාරයට සහභාගී වීම සඳහා ජනාධිපති අනුර කුමාර දිසානායක ඊයේ (22) රාත්‍රියේ දිවයිනෙන් පිටත්ව ගියේය.

ජනාධිපතිවරයා සැප්තැම්බර් 24 වැනි බදාදා පස්වරු 3.15 ට (ඇමරිකානු වේලාවෙන්) මහාමණ්ඩලය ඇමතීමට නියමිතය.

සංචාරය අතරතුර, ජනාධිපති දිසානායක එක්සත් ජාතීන්ගේ මහලේකම්වරයා සහ ලෝක නායකයන් කිහිපදෙනකු සමඟ ද්විපාර්ශ්වික සාකච්ඡා පවත්වනු ඇත.

ජනාධිපතිවරයා එක්සත් ජනපදයේ වෙසෙන ශ්‍රී ලාංකික ප්‍රජාවේ සාමාජිකයන් හමුවීමට ද නියමිතය.

මෙම සංචාරය සඳහා ජනාධිපතිවරයා සමඟ විදේශ කටයුතු, විදේශ රැකියා සහ සංචාරක අමාත්‍ය විජිත හේරත්ද සහභාගී වේ.