September 2, 2025
තරුණ තරුණියන් සමාජ මාධ්යවල බලපෑමට ලක්ව ප්රචණ්ඩකාරී හැසිරීම්වලට යොමු වීමේ ප්රවණතාව වැඩි වෙමින් පවතින බව කරාපිටිය ජාතික රෝහලේ විශේෂඥ මනෝචිකිත්සක වෛද්ය රූමි රූබන් අනතුරු අඟවයි.
එවැනි ප්රචණ්ඩකාරී ප්රවණතාවලට ගොදුරු වන පුද්ගලයන් මුල් අවධියේදී හඳුනාගෙන නිසි මඟ පෙන්වීමක් සහ පුනරුත්ථාපනයක් සඳහා යොමු කළ යුතු බව වෛද්ය රූබන් අවධාරණය කළේය.
“අද සමාජයේ ගැටළු විසඳීම සඳහා ප්රචණ්ඩත්වය මෙවලමක් බවට පත්ව තිබෙනවා. වෛරය සහ ආක්රමණ සම්බන්ධයෙන් සමාජ මාධ්ය සැළකිව යුතු දායකත්වයක් දක්වනවා. ඓතිහාසිකව, සමාජ මාධ්ය දෘෂ්ටිවාදාත්මක අරමුණු සඳහා භාවිත කර ඇතත් අද තරුණයන් එවැනි බලපෑම්වලට ගොදුරු වී ප්රචණ්ඩ ලෙස ක්රියා කරන පරිසරයක් නිර්මාණය කර තිබෙනවා,” යනුවෙන් වෛද්ය රූබන් පැවසීය.
මෙම බලපෑම්වලට නිරාවරණය වන තරුණයන් පාතාල ක්රියාකාරකම්, මත්ද්රව්ය අනිසි භාවිතය හෝ සන්නද්ධ කල්ලිවලට සම්බන්ධ විය හැකි බවත්, බොහෝ විට කෝපය කළමනාකරණය කිරීමේ ගැටළු වර්ධනය විය හැකි බවත් ඔහු තවදුරටත් අනතුරු ඇඟවීය.
එවැනි උප සංස්කෘතීන්ට ඒකාබද්ධ වූ පසු, ඔවුන්ට එයින් මිදීම අතිශයින් දුෂ්කර බව ඔහු පැවසීය.
“මෙම සංස්කෘතිය වෙනස් කිරීම සඳහා, පාතාල කල්ලි සාමාජිකයන් නීතිය හමුවට පමුණුවා ගැනීම අත්යවශ්යයි. මෙම ගැටළුව අවම කිරීම සඳහා වඩාත්ම ඵලදායී ප්රවේශය වන්නේ අවදානම් සහිත පුද්ගලයන් කල්තියා හඳුනාගෙන ඔවුන්ට අවශ්ය පුනරුත්ථාපනය ලබා දීමයි,” යනුවෙන් වෛද්ය රූබන් අවධාරණය කළේය.
