September 1, 2025
සමගි ජන බලවේගයට සම්බන්ධ වීම නිසා අත්හිටුවන ලද සාමාජිකයන්ගේ පක්ෂ සාමාජිකත්වය නැවත ලබාදීමට එක්සත් ජාතික පක්ෂ නායක රනිල් වික්‍රමසිංහ සූදානම් වන බව වාර්තා වේ.
මෙම පියවර ඔවුන් නැවත එක්සත් ජාතික පක්ෂයට ගෙන ඒමේ අරමුණින් සිදුකෙරෙන බව පැවැසේ.
මේ අතර, මෙම නව සන්ධානයේ නායකත්වය තවමත් සාකච්ඡා මට්ටමක පවතී.
රනිල් වික්‍රමසිංහගේ අයහපත් සෞඛ්‍ය තත්ත්වය හේතුවෙන් නායකත්වය දැරිය යුතු නැති බව සමගි ජන බලවේගයේ ඇතැම් සාමාජිකයින් ප්‍රකාශ කර ඇති අතර, තවත් සමහරු පවසන්නේ නායකත්ව කාරණය සම්බන්ධයෙන් තවමත් එකඟතාවයක් නොමැති බවයි.
එක්සත් රාජධානියේ පෞද්ගලික විදේශ සංචාරයක් සඳහා රුපියල් මිලියන 16.6 ක මහජන මුදල් අවභාවිත කිරීමේ චෝදනා මත හිටපු ජනාධිපති රනිල් වික්‍රමසිංහ සිරගත කිරීමෙන් පසුව, සජබ,එජාප, ශ්‍රී ලංකා පොදුජන පෙරමුණ සහ ශ්‍රී ලංකා නිදහස් පක්ෂය ඇතුළු පක්ෂ කිහිපයක් ඒකාබද්ධ වේදිකාවක් වෙතඑක්කරන ලෙස ඇතැම් පාර්ශව වෙතින් ඉල්ලීම් ඉදිරිපත් විය.
මේ අතර, අද එක්සත් ජාතික පක්ෂය සහ සමගි ජන බලවේගය අතර නැවත එක්වීමක් සඳහා සූදානම් වීම පිළිබඳව එජාපයට සහාය දක්වන ජනමාධ්‍ය ආයතන කිහිපයක් සතිඅන්තයේ වාර්තා කළේය.
එම වාර්තාවන්ට අනුව, සජිත් ප්‍රේමදාස ඇතුළු අත්හිටවූ සාමාජිකයන්ගේ පක්ෂ සාමාජිකත්වය නැවත ලබාදීමට සැලසුම් ක්‍රියාත්මක වෙමින් පවතින බව වාර්තා වේ.
සැප්තැම්බර් 6 වැනි දින පැවැත්වීමට නියමිත එක්සත් ජාතික පක්ෂ සමුළුවට සහභාගී වීමට සජිත් ප්‍රේමදාසට ද ආරාධනා කර ඇති බව එම වාර්තා සඳහන් කරයි.
ඇප මත නිදහස් වීමෙන් පසු හිටපු ජනාධිපති රනිල් වික්‍රමසිංහ පළකළ අදහස් එම වාර්තාවල වාර්තාවේ උපුටා දක්වා ඇත.
ඊට අමතරව, අනුරාධපුර දිස්ත්‍රික් සජබ පාර්ලිමේන්තු මන්ත්‍රී රෝහණ බණ්ඩාර පවසා ඇත්තේ, රනිල් වික්‍රමසිංහගේ අයහපත් සෞඛ්‍ය තත්ත්වය හේතුවෙන් නව දේශපාලන සන්ධානයේ නායකත්වය සජිත් ප්‍රේමදාසට හිමිවිය යුතු බවයි.
