August 30, 2025
අධිවේගී මාර්ගවලට ඇතුළු වන වාහනවල අමතර කොටස් පරීක්ෂා කර අවශ්ය නීතිමය වෙනස්කම් සිදු කිරීම සඳහා පරීක්ෂා කිරීමේ ක්රමයක් හඳුන්වා දෙන බව ප්රවාහන, මහාමාර්ග, වරාය සහ සිවිල් ගුවන් සේවා අමාත්ය බිමල් රත්නායක පවසයි.
අදාළ ගැසට් නිවේදනය ඉදිරියේදී නිකුත් කරන බව ඔහු පැවසීය.
ප්රමිතියෙන් තොර ටයර් හෝ වෙනත් අත්යවශ්ය අමතර කොටස් නොමැති වාහන අධිවේගී මාර්ගයට ඇතුළුවීමට ඉඩ නොදෙන බව අමාත්යවරයා වැඩිදුරටත් පැවසීය.
ප්රවාහන, මහාමාර්ග, වරාය සහ සිවිල් ගුවන් සේවා කටයුතු අමාත්යාංශයේ උපදේශක කමිටුවේදී ඔහු මෙම අදහස් පළ කළේය.
ත්රිරෝද රථ සහ වෑන් රථ ඇතුළු පෞද්ගලික ප්රවාහන අංශයේ රියදුරන් සඳහා සුභසාධන අරමුදලක් පිහිටුවීමට කටයුතු කරමින් සිටින බවත්, අදාළ පනත් කෙටුම්පත ඉදිරියේදී අනුමැතිය සඳහා පාර්ලිමේන්තුවට ඉදිරිපත් කරන බවත් අමාත්යවරයා පැවසීය.
