ලෝක ආර්ථික සංසදය සහ එක්සත් ජාතීන්ගේ ජනගහන අරමුදලට අනුව, කාන්තා පාර්ලිමේන්තු නියෝජනය අනුව ශ්‍රී ලංකාව ලෝකයේ රටවල් 193න් 135 වැනි ස්ථානයේ සිටී.

‘ස්ත්‍රී පුරුෂ භාවය අගුළු හැරීම’ යන මාතෘකාව යටතේ පැවති උත්සවයක දී ශ්‍රී ලංකාවේ ස්ත්‍රී පුරුෂ භාවය මත පදනම් වූ වෙනස්කම් කිරීම පිළිබඳ පර්යේෂණ ඉදිරිපත් කරන විවිධ විශේෂඥයන් සහභාගී වී තිබිණි.

ශ්‍රී ලංකාවේ පවතින ස්ත්‍රී පුරුෂ භාවය මත පදනම් වූ වෙනස්කම් සහ කාන්තාවන්ගේ යහපැවැත්ම පිළිබඳ දැනුවත්භාවය වැඩි කිරීම මෙම උත්සවයේ අරමුණ විය.

මෙම උත්සවයට අගමැතිනි හරිනි අමරසූරිය ද සහභාගී වූ අතර, ඇය පැවසුවේ සෑම කාන්තාවක්ම ආරක්ෂිත වන තුරු කිසිදු කාන්තාවක් ආරක්ෂිත නොවේ යනුවෙනි.

කාන්තාවන් සහ ඔවුන්ගේ යහපැවැත්ම ආරක්ෂා කරන ශක්තිමත් නීති ක්‍රියාත්මක කිරීම ගැන ද අග්‍රාමාත්‍යවරිය අදහස් පළ කළාය.

ළමාරක්ෂණ සහ ගෙදර දොරේ වැඩ වැනි වැටුප් රහිත වැඩවලින් කාන්තාවන් ඔවුන්ගේ 20 ගණන්වලදී දක්වන දායකත්වය උපරිම ශ්‍රම ආදායමෙන් සියයට 40ක් වන බව ක්සත් ජාතීන්ගේ ජනගහන අරමුදල පැවසීය.

එයින් අදහස් කරන්නේ ආදායම් මට්ටම්වලට සාපේක්ෂව කාන්තාවන් වැටුප් රහිත වැඩ හරහා වැඩි දායකත්වයක් ලබා දෙන බවයි.

ශ්‍රී ලංකාවේ කාන්තාවන්ගෙන් සියයට 66ක් පමණ අන්තර්ජාල හිරිහැරවලට මුහුණ දෙන බව ද වාර්තා වන අතර, එයට බ්ලැක්මේල් කිරීම සහ අසභ්‍ය අන්තර්ගතයන් ඇතුළත් වේ.

එපමණක් නොව, කාන්තාවන්ගෙන් සියයට 54ක් කාර්යාලවලදී බොහෝ විට නිල නොවන හානි අත්විඳින අතර එමඟින් කීර්ති නාමයට හානි සිදුවන බව ක්සත් ජාතීන්ගේ ජනගහන අරමුදල පවසයි.