අගෝස්තු 19 වැනි දිනට යෙදුණු ලෝක ඡායාරූප දිනය සැමරීම සඳහා, සංචාරක විශේෂඥයකු වන Travelbag විසින් Instagram හි පළකළ හැකි ලොව පුරා වඩාත්ම කැපී පෙනෙන වැව් සහ විල් පිළිබඳ ගෝලීය අධ්‍යයනයක තොරතුරු නිකුත් කර තිබේ.

මෙම අධ්‍යයනය මගින් ලොව වඩාත්ම සංකේතාත්මක විල් 50කට වඩා විශ්ලේෂණය කර ඇත.

විශ්මයජනක සුන්දර දර්ශන සඳහා ගමනාන්ත හඳුනා ගැනීමට Instagram හැෂ් ටැග් සහ TikTok සටහන් මත පදනම්ව ඒවා ඔවුන් විසින් ශ්‍රේණිගත කරන ලදී.

මේ යටතේ ශ්‍රී ලංකාවේ වඩාත්ම ඡායාරූපගත කරන වැව් සහ විල් සම්බන්ධයෙන් ද හෙළිදරව් කර තිබිණි.

Instagram වඩාත්ම පොස්ට් ඇති ශ්‍රී ලංකාවේ විල ලෙස හැෂ් ටැග් 47,600ක් සමඟින් ඉහළින්ම සිටින්නේ ග්‍රෙගරි වැවයි.

TikTokහි හැෂ් ටැග් 2,463ක් ද ග්‍රෙගරි වැව සම්බන්ධයෙන් තිබේ.

අලින් එක්රැස්වන ජූලි සිට සැප්තැම්බර් දක්වා සමයේදී ශ්‍රී ලංකාවේ විල් සොබාදහමේ වඩාත්ම දර්ශනීය වේදිකා බවට පත්වේ.

අගෝස්තු සහ සැප්තැම්බර් මාසවලදී මින්නේරිය සහ කවුඩුල්ල ජාතික වනෝද්‍යානවල අලි රැස්වන බැවින් විශේෂයෙන් ජනප්‍රිය වේ.

වැව් අතර ජනප්‍රියත්වයෙන් දෙවැනි ස්ථානයේ සිටින්නේ මහනුවර වැව වන අතර, ඊට Instagram හැෂ් ටැග් 14,800ක් සහ TikTok සටහන් 1,572ක් ඇත.

ශ්‍රී දළදා මාලිගාව අසල පිහිටා ඇති මෙම සංවැව එහි සන්සුන් ජලය, ඓතිහාසික වටපිටාව සහ රන්වන් හිරු බැස යෑම සඳහා ප්‍රසිද්ධය.

Instagram හි ලොව වඩාත්ම ජනප්‍රිය විල ලෙස ඔටුන්න හිමි කර ගන්නේ ටහෝ විල වන අතර ඊට Instagram හැෂ් ටැග් මිලියන 3.1ක් සහ TikTok සටහන් 51,000කට වඩා ඇත.

කැලිෆෝනියාවේ සහ නෙවාඩාවේ මායිම දිගේ දිවෙන ටහෝ විල එහි පැහැදිලි ජලය, පයින්වලින් වැසී ගිය කඳු මුදුන් සහ වසර පුරා ආකර්ෂණීය බව සඳහා ප්‍රසිද්ධය.

ගෝලීය වශයෙන් දෙවැනි ස්ථානයට පත්වන්නේ බැන්ෆ් ජාතික වනෝද්‍යානයේ හදවතෙහි පිහිටා ඇති කැනඩාවේ ලුයිස් විලයි.

ඒ, Instagram හැෂ් ටැග් මිලියන 1.2 ක් සහ TikTok සටහන් 79,300කට අධික සංඛ්‍යාවක් සමඟිනි.

තෙවැනි ස්ථානය උතුරු අමෙරිකාවේ මහා විල්වලින් එකක් වන ඔන්ටාරියෝ විල විසින් අත්පත් කරගෙන ඇති අතර ඊට Instagram හැෂ් ටැග් මිලියන 1ක් සහ TikTok සඳහන් කිරීම් 37,200ක් තිබේ.

Travelbag කලාපීය ගමනාන්ත කළමනාකරු සහ ශ්‍රී ලංකා විශේෂඥ ෂෙයර්ල් ඩ්‍රේන් අලි එක්රැස්වන කාලයේ ශ්‍රී ලංකාවට පැමිණීම පිළිබඳ අදහස් බෙදා ගෙන තිබුණේ මෙසේයි;

“අගෝස්තු සහ සැප්තැම්බර් අතර අලි එක්රැස්වීම ශ්‍රී ලංකාවේ වඩාත්ම කැපී පෙනෙන වනජීවී සිදුවීම්වලින් එකක්. මින්නේරිය සහ කවුඩුල්ල ජාතික වනෝද්‍යාන වෙත අලි ඇතුන් සිය ගණනක් ආකර්ෂණය වනවා. මෙම සමය ඡායාරූප ශිල්පීන්ට සැබවින්ම විශේෂ වන්නේ ග්‍රෙගරි විල වටා ඇති මීදුම සහිත කඳුකරයේ සිට මහනුවර විලෙහි සංස්කෘතික චමත්කාරය දක්වා විශ්මයජනක විල් භූ දර්ශන සමඟ වනජීවී අවස්ථා ග්‍රහණය කර ගැනීමට ඇති අද්විතීය අවස්ථාව නිසයි. අලි ඇතුන්ට අමතරව, අමුත්තන්ට පක්ෂින් සහ අනෙකුත් වනජීවීන්ගේ පොහොසත් විවිධත්වයක් ඡායාරූප ගත කළ හැකියි, එය විවිධාකාර හා අමතක නොවන අත්දැකීමක් නිර්මාණය කරනවා.”

Instagram හැෂ් ටැග් TikTok හැෂ් ටැග් අනුව ශ්‍රී ලංකාවේ වැව් සඳහා ඇති ජනප්‍රියත්වය පිළිවෙළින් මෙසේයි;

1 ග්‍රෙගරි විල Instagram හැෂ් ටැග් 47,600 TikTok හැෂ් ටැග් 2,463

2 මහනුවර විල Instagram හැෂ් ටැග්14,800 TikTok හැෂ් ටැග් 1,572

3 තිස්ස වැව Instagram හැෂ් ටැග්1,011 TikTok හැෂ් ටැග් 218

4 පරාක්‍රම සමුද්‍රය Instagram හැෂ් ටැග් 1,688 TikTok හැෂ් ටැග් 180

5 වික්ටෝරියා ජලාශය Instagram හැෂ් ටැග්1,067 TikTok හැෂ් ටැග් 141