මෙම සිදුවීම් 62ක් සංවිධානාත්මක අපරාධ කල්ලිවලට සම්බන්ධ බවත්, 17ක් වෙනත් ආකාරයේ වෙඩිතැබීම් ලෙස වර්ගීකරණය කර ඇති බවත් ඇමැති විජේපාල පැවසීය.

අත්අඩංගුවට ගත් 260 දෙනාගෙන් 229ක් සංවිධානාත්මක අපරාධවලට සෘජුවම සම්බන්ධ බවත් අමාත්‍යවරයා පැවසීය.

රජය සංවිධානාත්මක අපරාධ මැඩපැවැත්වීම සඳහා පියවර ක්‍රියාත්මක කර ඇති බවත්, 2022 සහ 2023 වසරවලට සාපේක්ෂව අපරාධ අනුපාත සැළකිව යුතු ලෙස ඉහළ ගොස් නොමැති බවත්, ඇමැති විජේපාල සඳහන් කළේය.

ඕනෑම ජීවිත හානියක් ඛේදජනක බව ඔහු පිළිගත් නමුත් නව පරිපාලනය බලයට පත්වීමෙන් පසු වෙඩිතැබීම්වල තියුණු වැඩිවීමක් පිළිබඳව කෙරෙන ප්‍රකාශ ප්‍රතික්ෂේප කළේය.