October 11, 2024
අපරාධ පරීක්ෂණ දෙපාර්තමේන්තුව (CID) අධීක්ෂණය කළ නියෝජ්ය පොලිස්පති රොහාන් ප්රේමරත්න ඇතුළු නියෝජ්ය පොලිස්පතිවරුන් පස් දෙනෙකුට ජාතික පොලිස් කොමිෂන් සභාව විසින් ස්ථාන මාරු කර තිබේ.
මැතිවරණ කොමිසමේ අනුමැතියට යටත්ව මෙම ස්ථාන මාරුවීම් ලබාදුන් අය අතර නියෝජ්ය පොලිස්පතිවරියක් ද සිටින බව කොමිසම පවසයි.
බස්නාහිර පළාත (උතුර) භාර නව නියෝජ්ය පොලිස්පතිවරයා ලෙස නියෝජ්ය පොලිස්පති ප්රේමරත්න පත්කර ඇති අතර අපරාධ පරීක්ෂණ දෙපාර්තමේන්තුවේ නව ප්රධානියා ලෙස නියෝජ්ය පොලිස්පති පී.අම්පාවිල පත් කර තිබේ.
නියෝජ්ය පොලිස්පති අම්පාවිල මීට පෙර මුදල් විශුද්ධිකරණය, පිරමීඩ යෝජනා ක්රම සහ අතථ්ය මුදල් වර්ග සම්බන්ධ විමර්ශන අධීක්ෂණය කරමින් පොලිස් මූලස්ථානයේ සේවය කළේය.
ඊට අමතරව නියෝජ්ය පොලිස්පති ඩී.පී. චන්ද්රසිරි ගාල්ල දිස්ත්රික්කයේ නියෝජ්ය පොලිස්පති තනතුරේ සිට ප්රවර්ධන කටයුතු භාර නියෝජ්ය පොලිස්පතිවරයා ලෙසත්, ප්රජා පොලිස් හා පරිසර ආරක්ෂණ කොට්ඨාස භාර නියෝජ්ය පොලිස්පතිවරයා ලෙස සිටි නියෝජ්ය පොලිස්පති (වැඩබලන) ඊ.එම්.ජී.ජේ. සේරම් ගාල්ල දිස්ත්රික්කයේ ප්රධානියා ලෙසත් ස්ථාන මාරු කර ඇත.
වැඩබලන නියෝජ්ය පොලිස්පති බිම්ෂානි ජසින්ආරච්චි ද ප්රජා පොලිසිය සහ පරිසර ආරක්ෂණ කොට්ඨාසය භාර නියෝජ්ය පොලිස්පතිවරයා ලෙස කටයුතු කිරීම සඳහා පොලිස් මූලස්ථානයේ බඳවාගැනීම් සහ පුහුණු කොට්ඨාසයේ සිට ස්ථාන මාරු කර ඇත.
