ඇඹිලිපිටිය, කිරළවැල්ලකටුව ප්‍රදේශයේදී සිය මව්පියන් දෙදෙනා ඝාතනය කිරීමේ සිද්ධියක් සම්බන්ධයෙන් 26 හැවිරිදි තරුණයෙකු අත්අඩංගුවට ගෙන තිබේ.

පොලිසිය පවසන පරිදි, පෞද්ගලික ආරවුලක් දුරදිග යෑමෙන් ඊයේ රාත්‍රියේ මෙම ඝාතනය සිදු කර ඇත.

මෙලෙස ඝාතනයට ලක්ව ඇත්තේ 54 හැවිරිදි මව සහ 58 හැවිරිදි පියා වන අතර, ඔවුන් දෙදෙනාට තියුණු ආයුධයකින් පහර දී ඇති බව වාර්තා වේ.

සැකකාර පුත්‍රයා මේ වන විට පොලිස් අත්අඩංගුවේ පසුවන අතර, සිද්ධිය සම්බන්ධයෙන් ඇඹිලිපිටිය පොලිසිය වැඩිදුර විමර්ශන සිදුකරයි.