මහජන ආරක්ෂක අමාත්‍ය ආනන්ද විජේපාල පවසන්නේ, 2025 දී පමණක් ශ්‍රී ලංකාවේ පාතාල හා මත්ද්‍රව්‍ය ක්‍රියාකාරකම් මැඩපැවැත්වීම සඳහා කරන ලද වැටළීම් වලදී අවි ආයුධ 1947 ක් අත්අඩංගුවට ගෙන ඇති බවයි.

අද පාර්ලිමේන්තුව අමතමින් අමාත්‍ය විජේපාල පැවසුවේ, අවි ආයුධ මත්ද්‍රව්‍ය හා පාතාල ජාලයන්හි ප්‍රධාන කොටසක් බවයි.

ඇතැම් පාතාල කල්ලි තවමත් අවි ආයුධ ළඟ තබාගෙන සිටින බැවින් රට පුරා වෙඩි තැබීමේ සිදුවීම් වාර්තා වන බව ඔහු තවදුරටත් පැවසීය.

මීට පෙර හමුදා කඳවුරකින් පාතාල කල්ලිවලට ටී-56 ගිනි අවි 78ක් ලබා දී ඇති බවත්, ඉන් 36 ක් දැනටමත් බලධාරීන් විසින් අත්අඩංගුවට ගෙන ඇති බවත් අමාත්‍ය විජේපාල හෙළිකළේය.

“රට තුළ පාතාලය සහ මත්ද්‍රව්‍ය උවදුර රජය විසින් තුරන් කරනවා. මේ සඳහා අපි ක්‍රමානුකූල සැලැස්මක් හඳුන්වා දී තිබෙනවා,” ඔහු තවදුරටත් පැවසීය.