ජනාධිපති ලේකම් කාර්යාලය සතු සුඛෝපභෝගී සහ භාවිතයට නොගත් වාහන විකිණීම සඳහා වූ වෙන්දේසියේ දෙවැනි අදියර ඊයේ (මැයි 15) සාර්ථකව අවසන් විය.

හිටපු අමාත්‍යවරුන් සහ හිටපු ජනාධිපතිවරයා විසින් ඔවුන්ගේ ධුර කාලය තුළ ආණ්ඩුක්‍රම ව්‍යවස්ථාවේ 41(1) වගන්තිය යටතේ පත්කරන ලද ඔවුන්ගේ උපදේශකයන් සහ කාර්ය මණ්ඩලය සඳහා වෙන්කරන ලද මුළු වාහන 26 ක් විකිණීමට ලැයිස්තුගත කර ඇත. මෙයින් වාහන 17 ක් ඊයේ සාර්ථකව අලෙවි කරන ලදී.

වෙන්දේසි කරන ලද වාහන අතරට:

BMW කාර් 1

Ford Everest SUV රථ 2

Hyundai Terracan SUV රථ 1

Land Rover SUV රථ 2

Mitsubishi Montero

Nissan Patrol වාහන 3

Nissan සන්නාමයේ මෝටර් රථ 2

Porsche Cayenne

SsangYong Rexton SUV රථ 5

Toyota Land Cruiser Sahara

V8 වාහන 6

Mitsubishi Rosa වායුසමීකරණය කරන ලද බස් රථයක්

රජයේ වියදම් අඩුකිරීම සහ මූල්‍ය වගකීම ප්‍රවර්ධනය කිරීමේ අරමුණින්, ජනාධිපති ලේකම් කාර්යාලයට අයත් වාහන වෙන්දේසි කිරීමට තීරණයක් ගන්නා ලදී.

මෙම වාහන මිලදීගැනීම සඳහා ඉහළ ඉල්ලුමක් පැවති අතර, ඊයේ පැවැති වෙන්දේසියේදී ඒවා විකිණීමෙන් රුපියල් මිලියන 200 කට අධික ආදායමක් උපයාගෙන තිබේ.

වෙන්දේසිය කෙරෙහි විශාල උනන්දුවක් පැවැති අතර, ලංසුකරුවන් 108 දෙනෙක් ඊට සහභාගී වූහ.