කහතුඩුවේදී පැහැරගත් 15 හැවිරිදි පිරිමි ළමයකු අතරමගදී බේරීමට සමත්ව ඇත.

සුදු වෑන් රථයකින් පැහැරගැගත් අදාළ දරුවා රත්නපුරයේදී වාහනයෙන් පැන ඇති බව වාර්තා වේ.

පුද්ගලයකු විසින් 119 පොලිස් හදිසි ඇමතුම් අංශයට කරන ලද දුරකථන ඇමතුමකට අනුව, වෑන් රථයකින් පැහැරගෙන ගොස් සිටි මෙම දරුවා රත්නපුර කැටන්දොල ප්‍රදේශයේ අවන්හලක් අසල සිටිනු දක්නට ලැබී ඇත.

මෙම තොරතුරු මත පදනම්ව, රාත්‍රී මුර සංචාරයේ යෙදී සිටි රත්නපුර පොලිසියට අනුයුක්ත පොලිස් නිලධාරීන් විසින් එම දරුවා තම භාරයට ගෙන ඇත.

පැහැරගැනීමට තැත් කළ කණ්ඩායම හඳුනාගැනීම සඳහා කහතුඩුව පොලිසිය සීසීටීවී දර්ශන විමර්ශනය කරමින් පරීක්ෂණයක් ආරම්භ කර ඇත.