දිවයිනේ දකුණු වෙරළට ඔබ්බෙන් බේරාගත් ඉරාන නාවිකයන් නැවත සිය රටට යැවීම සම්බන්ධයෙන් ශ්‍රී ලංකාව එක්සත් ජාතීන්ගේ සාගර නීතිය පිළිබඳ සම්මුතියට (UNCLOS) සහ අන්තර්ජාතික නීතියට අනුකූලව කටයුතු කරන බව විදේශ අමාත්‍ය විජිත හේරත් පැවසීය.

නවදිල්ලියේ පැවති රයිසිනා සංවාද සංසදයේදී මෙම ගැටලුව පිළිබඳව ප්‍රශ්න කළ විට අදහස් දක්වමින් ඇමැති හේරත් පැවසුවේ, මෙම කාරණය සම්බන්ධයෙන් කටයුතු කිරීමේදී ශ්‍රී ලංකාව ස්ථාපිත අන්තර්ජාතික නීති රාමු අනුගමනය කරන බවයි.

මේ අතර, රොයිටර්ස් පුවත් සේවය වාර්තා කර ඇති පරිදි, ඉරාන යුද නෞකාවක් වන IRIS Dena ගිලී යෑමෙන් පසු බේරාගත් ඉරාන නාවිකයන් සිය රටට නොයවන ලෙස එක්සත් ජනපදය ශ්‍රී ලංකාවෙන් ඉල්ලා තිබේ.