2025 අගෝස්තු මාසයේදී චීන මෝටර් රථ නිෂ්පාදක BYD වාහන ලියාපදිංචි කිරීම් 80% කින් කැපීපෙනෙන ලෙස ඉහළ ගොස් ඇති අතර, එය තාවකාලික පසුබෑමකින් පසු කැපී පෙනෙන ශක්තිමත් වර්ධනයක් පෙන්නුම් කරන බව CAL ආයතනය මගින් කරන ලද පර්යේෂණයකින් පෙන්වාදෙයි.

මෙම පිබිදීම ඇති වන්නේ පුළුල් ශ්‍රී ලංකා වාහන වෙළඳපොළ මාසිකව සියයට 1.9 ක සුළු වර්ධනයක් අත්විඳීමත් සමඟ වන අතර, ත්‍රිරෝද රථ ලියාපදිංචි කිරීම් සැලකිය යුතු ලෙස ඉහළ යාමක් සහ මෝටර් රථ සහ යතුරුපැදි අලෙවියේ සුළු පහත වැටීමක් සමඟිනි. BYD ලියාපදිංචි කිරීම් අගෝස්තු මාසයේදී ඒකක 1,424 දක්වා ඉහළ ගිය අතර එය ජූලි මාසයේ පැවති ඒකක 790 ට වඩා සැලකිය යුතු ඉහළ යාමකි. වෙළඳ නාමය සඳහා ඉහළම කාර්ය සාධනයක් පෙන්නුම් කළේ ලියාපදිංචි කිරීම් 554 ක් පෙන්නුම් කල Atto මාදිලියයි. මෙය ජූලි මාසයේදී පහත වැටීමට හේතු වූ ශ්‍රී ලංකා රේගු ව මගින් රඳවා තබා ගැනීමට ගත් පියවර හේතුවෙන් බව පෙනී යයි. සීලියන් සහ සීල් මාදිලි ද හොඳින් වඩාත් සක්‍රීය වූ අතර, පිළිවෙලින් ලියාපදිංචි කිරීම් 465 ක් සහ 307 ක් වාර්තා වී ඇත.

ජූලි මාසයේදී මුළු වාහන ලියාපදිංචි කිරීම් 37,543 ක් වූ අතර අගෝස්තු මාසයේදී මුළු වාහන ලියාපදිංචි කිරීම් ප්‍රමාණය 38,240ක් විය. ඒ අනුව සමස්ත වෙළඳපොළ ජුලි මාසයට සාපේක්ෂව අගෝස්තු මාසයේදී සුළු වර්ධනයක් පෙන්නුම් කළද, තනි අංශවල මිශ්‍ර ප්‍රතිඵල පෙන්නුම් කළේය.

ත්‍රිරෝද රථ ලියාපදිංචි කිරීම් වල මාසිකව සියයට 430 ක දැවැන්ත වැඩිවීමක් ප්‍රධාන කැපී පෙනෙන සිදුවීමක් වූ අතර, එම අංශය ඒකක 2,497 ක් විය. බජාජ් මෙම කාණ්ඩයේ ආධිපත්‍යය දැරුවේ සියයට 92 ක වෙළඳපල කොටසක් සමඟින් ඒකක 2,286 ක් ලියාපදිංචි කරමිනි.

ඊට වෙනස්ව, මෝටර් රථ අංශය සියයට 4 ක පහත වැටීමක් පෙන්නුම් කළ අතර, ජූලි මාසයේදී ලියාපදිංචි කිරීම් 6,745 ක් වූ අතර අගෝස්තු මාසයේදී ලියාපදිංචි කිරීම් 6,475 ක් විය.

යතුරුපැදි ලියාපදිංචි කිරීම් ද සුළු වශයෙන් සියයට 2 ක අඩුවීමක් පෙන්නුම් කළ අතර එය ඒකක 27,585 ලෙස වාර්තා විය. අගෝස්තු මාසයේදී මුළු වාහන ලියාපදිංචි කිරීම් වලින් සියයට 72 ක් වන මෙම අංශය තවමත් විශාලතම කොටස අත්පත් කරගෙන සිටී. බජාජ් සහ ටීවීඑස් ද්වි රෝද රථ වෙළඳපොලේ ඉහළම කාර්ය සාධනයක් පෙන්නුම් කළ අතර පිළිවෙලින් සියයට 37 ක් සහ සියයට 25 ක වෙළඳපොල කොටස් හිමිකර ගත්හ.

වාණිජ වාහන අවකාශයේ, අගෝස්තු මාසයේදී ට්‍රක් රථ ලියාපදිංචි කිරීම් ඒකක 918 ක් විය. ටොයොටා මෙම අංශයට සියයට 24 ක වෙළඳපල කොටසක් ලබා දෙමින් පෙරමුණ ගත් අතර, ලංකා අශෝක් ලේලන්ඩ් සහ ටාටා යන සමාගම් දෙකටම සියයට 13 ක කොටසක් හිමි විය. මාසය සඳහා බස් ලියාපදිංචි කිරීම් 72 ක් වූ අතර ලංකා අශෝක් ලේලන්ඩ් සියයට 22 ක වෙළඳපල කොටසක් ලබා ගනිමින් එම අංශයට නායකත්වය දුන්නේය.
වෙළඳපොල කොටසේ වෙනස හා රේගුව

කෙසේ වෙතත් ශ්‍රී ලංකාවේ වාහන වෙළඳපොළ, EV වාහන ආනයනය සඳහා විවෘත වීමත් සමඟ, නවතම තාක්‍ෂණය යුතු වාහන සාධාරණ මිලකට ශ්‍රී ලංකා වෙළඳපොළට ඇතුළු විය. මේ සමඟ, සාම්ප්‍රදායික අභ්‍යන්තර දහන (ඉන්ධන ක්‍රියාකාරී) වාහන සඳහා ඇති ඉල්ලුම අඩුවීම වැළැක්විය නොහැකිය විය. ජපන් ආනයන වෙළඳපොළත් සමඟ කටයුතු කරන ආනයනකරුවන් හට මෙය අභියෝගයක් බවට පත්ව තිබේ.

ඉහත සඳහන් කරන ලද CAL පර්යේෂණය හරහා මෙරටට වාහන ආනයනය කරන ලද වාහන පිළිබඳ දල අදහසක් ලබා ගත හැකි අතර එහිදී කැපී පෙනෙන සිදු වීම නම් ඉලක්ක ගතව BYD වාහන පමණක් රේගු භාරයේ තබා ගැනීමට යම් ක්‍රියාවලියක් සිදුවෙමින් පවතිනවා යැයි සැකයක් සමාජය තුල ගොඩ නැගීමයි. රේගු දෙපාර්තමේන්තුව තුළ සිටින සමහරක් පාර්ශවයන්, මෙම සැඟවුණු න්‍යාය පත්‍රයේ සාර්ථකත්වයට සහාය දක්වමින්, විවිධ වාහන ආනයනකරුවන් සමඟ එක්ව EV වාහන ආනයනය අධෛර්යමත් කිරීම සඳහා කටයුතු කරන බවට සමාජයේ විවෘත කතිකාවක් ආරම්භ වී ඇත්තේ මේ පදනම සමඟය.

රේගු ආඥා පනතේ නිශ්චිතව දක්වා නොමැති වුවද වාහනයේ නිෂ්පාදකයාගේ සහතික කිරීම් අනුව එම තොරතුරු පාදක කර ගනිමින් වාහන රේගුවෙන් ආනයනකරුවන් වෙත නිදහස් කිරීම සාමාන්‍ය සම්ප්‍රදායික ක්‍රමය වේ. ලොව පුරා සම්මත පිළිවෙත එය වුවද අනෙකුත් වාහන ආනයනකරුවන් ප්‍රශ්න නොකිරීමේ පිළිවෙත තුල වෙනස් කොට සැලකීම සම්බන්ධයෙන් සමාජයේ පුළුල් සාකච්ඡාවක් සහ සැක සංකා මතු වෙමින් පවතී. මෙය හඳුනා ගත් බොහෝ දෙනෙකු ඒ සම්බන්ධව ප්‍රශ්න කිරීමට පටන් ගෙන තිබේ. අපි එක් වාහන මාදිලියකට සීමා වන්නේ ඇයි? ඔවුන් එක් නිශ්චිත වාහන වර්ගයක් පමණක් ඉලක්ක කරන්නේ ඇයි? ශ්‍රී ලාංකික පාරිභෝගිකයින්ට නවතම තාක්‍ෂණයේ ප්‍රතිලාභ මෙන්ම දැරිය හැකි මිල ගණන් යටතේ එම වරප්‍රසාද භුක්ති විඳීම වැළැක්වීමට ඔවුන් උත්සාහ කරන්නේ ඇයි? මෙය දූෂිත සන්ධානවල ක්‍රියාකාරිත්වය නිරූපණය නොකරන්නේද? Economy Next වෙබ් අඩෙවිය ද , රේගු නිලධාරීන්ගේ ඊනියා “පරීක්ෂණ” පැවැත්වීමේ පදනම මත රටට ආනයනය කරන ලද EV වාහන අත්හිටුවීමට සැලසුම් කර ඇති බවට ද පසුගියදා හෙළිදරව් කර තිබුණි. EV වාහන ආනයනය වැළැක්වීම සඳහා රහසිගත අභිප්‍රේරණයන් සහිත සුදු කරපටි නිලධාරීන්ගේ කූටෝපායන් ලෙස මෙම ක්‍රියාදාමය පෙනී යන්නේ නම් එය මෙම කර්මාන්තයට පමණක් නොව නව ආයෝජන ඇතුළු සමස්ථ ආර්ථිකයටම එය දැඩි කම්පනයක් එල්ල කරනු ඇති බව නොරහසකි.

සිහින ඉටු කරන පාලනයක සිහිනය

මෙම කුමන්ත්‍රණයේ ප්‍රතිඵලය පාරිභෝගිකයින් අසරණ කිරීම වන අතර, රටට ආනයනය කළ හැකි හොඳම වර්ගයේ විදුලි වාහන හිමිකර ගැනීමට ඇති අවස්ථාව අහිමි කිරීමක් ද වේ. වක්‍රව, එය රටට ආනයනය කරන නව විදුලි වාහනවල මිල ඉහළ යාමකට බලපෑම් කරන අතර, නැවත වරක් භාවිතා කළ වාහන සඳහා වෙළඳපොළක් නිර්මාණය කරයි. EV වාහන සඳහා අහිතකර වෙළඳපල පරිසරයක් නිර්මාණය කිරීම රටේ අනාගතයට සැලකිය යුතු බලපෑමක් ඇති කළ හැකි අතර, එය පහත පරිදි සාරාංශ කළ හැකිය. මිල ඉහළ යාම: ජනතාවට තවදුරටත් නවීන වාහන මිලදී ගැනීමට නොහැකි වීම. පාරිසරික හානිය: හරිතාගාර වායු විමෝචනය අඩු කිරීමේ ජාතික ප්‍රතිපත්තියට බාධා කිරීම. ආර්ථික හානිය: ඉන්ධන ආනයන වැඩිවීම සහ රජයට බදු ආදායම අඩු වීම.
මෙය කරුණු පැහැදිලි කරහොත්, පාරිභෝගික අයිතිවාසිකම් සහ ශ්‍රී ලංකාවේ නිදහස් වෙළඳපොළ ආරක්ෂා කිරීම සඳහා ජනාධිපතිවරයා සහ මුදල් අමාත්‍යාංශය මෙම කුමන්ත්‍රණයට එරෙහිව ඵලදායී හා කඩිනම් පියවර ගත යුතුව තිබේ. විපක්ෂය ජනතාවගේ අවශ්‍යතා සහ අනාගත පරම්පරාවන්ගේ ප්‍රතිලාභ සඳහා ප්‍රමුඛතාවය දිය යුතුය. EV වාහන අංශයට හානි කිරීම මහජන යහපතට ද හානිදායකය. වාහන ආනයනය සම්බන්ධයෙන් රජය නිදහස් හා සාධාරණ ප්‍රතිපත්තියක් ක්‍රියාත්මක කිරීමට දැන් කාලය පැමිණ තිබේ. ජාතියක අනාගතය විනිවිදභාවය සහ ඵලදායී සැලසුම් කිරීම මත තීරණය කළ යුතු බව ඉහත උදාහරණ පැහදිලි කරයි. රේගුවේ දී විදුලි වාහන රඳවා තබා ගැනීම හුදකලා ගැටළුවක් නොව, ජනතාවගේ අවශ්‍යතා සහ ප්‍රතිපත්ති සම්පාදන ස්ථාවරත්වය පිළිබඳ ගැටළුවකි. ජාතියක් ලෙස, අපි එවැනි කූටෝපායන් අවසන් කළ යුතුය. සියලු පාර්ශවයන්ගේ සාධාරණ අවශ්‍යතා සලකා බැලිය යුතු අතර සැබෑ වෙළඳපල වටිනාකම පිළිබිඹු කරන සාධාරණ වෙළඳපොළක් නිර්මාණය කළ යුතුය.