September 16, 2025
තමාට එරෙහිව සමාජ මාධ්ය ඔස්සේ වෛරී සහගත සහ අසත්ය ප්රකාශ පැතිරවීම සම්බන්ධයෙන් මහජන ආරක්ෂක නියෝජ්ය අමාත්ය සුනිල් වටගල අපරාධ පරීක්ෂණ දෙපාර්තමේන්තුවට (CID) පැමිණිල්ලක් ඉදිරිපත් කර තිබේ.
අසත්යය හරහා එම ප්රකාශ නිර්මාණය කර බෙදාහරින පුද්ගලයන්ට එරෙහිව සිවිල් සහ අපරාධ නීතිය යටතේ නීතිමය පියවර ගන්නා බව ඔහු පැවසීය.
මෑතකදී, නියෝජ්ය අමාත්ය සුනිල් වටගල කොළඹ ප්රදේශයේ නේවාසික සංකීර්ණයකින් නිවසක් මිලදී ගත් බවට සමාජ මාධ්ය ඔස්සේ ප්රකාශ පළවිය.
කෙසේවෙතත්, නියෝජ්ය අමාත්ය වටගල ෆේස්බුක් සටහනක් තබමින් පැහැදිලි කළේ, මෙය සම්පූර්ණයෙන්ම අසත්ය සහ අපහාසාත්මක ප්රකාශයක් බවයි.
තම පක්ෂය හෝ මහජනතාව විසින් තමා කෙරෙහි තබා ඇති විශ්වාසයට හානිකරන කිසිදු ක්රියාවක තමන් කිසි විටෙකත් නිරත වී නොමැති බව ඔහු අවධාරණය කළේය.
වෛරී සහගත සහ අසත්ය ප්රකාශ පැතිරවීම සම්බන්ධයෙන් වගකිව යුතු බවට හඳුනාගෙන ඇති පුද්ගලයන්ගෙන් සිවිල් නීතිය යටතේ වන්දි ඉල්ලා සිටින බව නියෝජ්ය අමාත්යවරයා තවදුරටත් පැවසීය.
