මෙරට රූපවාහිනී නාලිකා ශ්‍රේණිගත කිරීමේ ක්‍රමවේදය(Rating system) නිවැරදි නොවන බවත් එය අක්‍රමවත් සහ පක්ෂග්‍රාහී බවත් රාජ්‍ය ගිණුම් පිළිබඳ කාරක සභාවේදී (COPA) අනාවරණය විය.

පසුගියදා පාර්ලිමේන්තු සංකීර්ණයේ පැවති රාජ්‍ය ගිණුම් පිළිබඳ කාරක සභා රැස්වීමේදී ජනමාධ්‍ය අමාත්‍යාංශයේ ලේකම් අනූෂ පැල්පිට මේ බව හෙළිකළේය.

ලේකම්වරයා එහිදී පෙන්වාදුන්නේ ශ්‍රේණිගත කිරීමේ ක්‍රියාවලියේ, සඳහා ගණනය කිරීම් සඳහා දත්ත රැස් කිරීමේ අරමුණින්, අහඹු ලෙස තෝරාගත් රූපවාහිනී යන්ත්‍ර 400 ක පමණ උපාංගයක් ස්ථාපනය කර ඇති බවයි.

ප්‍රධාන ජනමාධ්‍ය ආයතන තුනක් මෙම උපකරණවලින් සමන්විත රූපවාහිනී යන්ත්‍ර 300ක් පමණ මිල දී ගෙන ඇත්තේ ගණනය කිරීම් සිදුකරන ආයතනවලට මුදල් ලබාදී බවත්, ඒ නිසා එකතු කරන දත්ත සාවද්‍ය බවත් ලේකම්වරයා පෙන්වා දුන්නේය.

පෞද්ගලික ජනමාධ්‍ය ආයතනවලට වඩා රාජ්‍ය ජනමාධ්‍ය වගකීමෙන් කටයුතු කරන බැවින්, නාලිකා ශ්‍රේණිගත කිරීම්වල ඉහළට නැගීමේ එකම අරමුණින් කටයුතු කළ නොහැකි බවද ලේකම්වරයා වැඩිදුරටත් සඳහන් කළේය.