November 16, 2025
බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති ලෙස කටයුතු කළ ජ්‍යෙෂ්ඨ නියෝජ්‍ය පොලිස්පති සංජීව ධර්මරත්න පොලිස් පරිපාලනය භාර ජ්‍යෙෂ්ඨ නියෝජ්‍ය පොලිස්පතිවරයා ලෙස ස්ථාන මාරු කර තිබේ.
ජ්‍යෙෂ්ඨ නියෝජ්‍ය පොලිස්පති ලලිත් පතිනායක මීට පෙර මධ්‍යම පළාත භාර නියෝජ්‍ය පොලිස්පති ධුරයට අමතරව පොලිස් පරිපාලනය ද භාරව සිටියේය.
මේ අතර ජ්‍යෙෂ්ඨ නියෝජ්‍ය පොලිස්පති එස්.සී. මැදවත්ත ජ්‍යෙෂ්ඨ නියෝජ්‍ය පොලිස්පති පුහුණු හා උසස් පුහුණු තනතුරේ සිට බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති තනතුරට මාරු කර තිබේ.
අපරාධ හා රථවාහන අධ්‍යක්ෂ මණ්ඩලය භාර ජ්‍යෙෂ්ඨ නියෝජ්‍ය පොලිස්පති රන්මල් කොඩිතුවක්කු එම තනතුරට අමතරව ළමා හා කාන්තා අපයෝජන වැළැක්වීමේ කාර්යාංශයේ රාජකාරි ආවරණය කිරීම සඳහා මාරු කර ඇත.
තවත් පොලිස් ස්ථාන මාරුවීම් කිහිපයක් ද සිදු කර ඇත.
