සති අන්තයේ සිදුකළ වැටළීම් කිහිපයකදී පානදුර වලාන දූෂණ මර්දන ඒකකයේ නිලධාරීන් විසින් කෝරලේලියවත්ත ප්‍රදේශයේදී නීතිවිරෝධී ලෙස නිෂ්පාදනය කරන ලද මත්පැන් ලීටර් 3,637ක් ප්‍රවාහනය කර සන්තකයේ තබාගෙන සිටි පුද්ගලයන් තිදෙනකු අත්අඩංගුවට ගෙන තිබේ.

මුලදී, නීතිවිරෝධී මත්පැන් ලීටර් 225 ක් (බෝතල් 300 කට සමාන) ප්‍රවාහනය කළ එක් පුද්ගලයෙක් අත්අඩංගුවට ගෙන ඇත.

සැකකරුගෙන් ලද තොරතුරකට අනුව එම ප්‍රදේශයේම සැකකරුවන් දෙදෙනකු අත්අඩංගුවට ගෙන ඇති බවයි පොලිසිය පවසයි.

ඔවුන්ගෙන් එක් අයෙක් නීතිවිරෝධී මත්පැන් ලීටර් 1,912 ක් (බෝතල් 2,550 කට සමාන) සන්තකයේ තබාගෙන ඇති අතර, අනෙකා සතුව නීති විරෝධී මත්පැන් ලීටර් 1,500 ක් (බෝතල් 2,000 කට සමාන) තිබී ඇත.

සැකකරුවන් තිදෙනා වයස අවුරුදු 28, 39 සහ 55 යන වයස්වල පසුවන අතර, ඔවුන් රාගම සහ ජා ඇල ප්‍රදේශවල පදිංචිකරුවන් වේ.

මේ සම්බන්ධයෙන් පොලිසිය වැඩිදුර පරීක්ෂණ පවත්වයි.

සැකකරුවන් අද (2) මහේස්ත්‍රාත් අධිකරණයට ඉදිරිපත් කිරීමට නියමිතය.