වැලිගම ප්‍රාදේශීය සභාවේ සභාපති ලසන්ත වික්‍රමසේකර ඉලක්ක කර ගනිමින් අද වැලිගමදී සිදු වූ වෙඩිතැබීමේ සිද්ධියට සම්බන්ධ සැකකරුගේ සීසීටීවී දර්ශන ජනමාධ්‍ය වෙත නිකුත් කර තිබේ.

සමගි ජන බලවේගයේ සාමාජික ලසන්ත වික්‍රමසේකර අද උදෑසන ප්‍රාදේශීය සභා සභාපති කාර්යාලය තුළ සිටියදී සැකකරු විසින් වෙඩිතබා ඇත.

සැකකරු මුහුණු ආවරණයක් පැළඳ හිස්වැස්මක් රැගෙන වැලිගම ප්‍රාදේශීය සභාවට ඇතුළු වන ආකාරය සීසීටීවී දර්ශනවල දැක්වේ.

වෙඩිතැබීමෙන් පසු සැකකරු තවත් සැකකරුවකු පැදවූ යතුරුපැදියකින් පළායන ආකාරය ද එහි දැක්වේ.

වෙඩිතැබීමෙන් බරපතල තුවාල ලැබූ වැලිගම ප්‍රාදේශීය සභා සභාපති ලසන්ත වික්‍රමසේකර මාතර රෝහලට ඇතුළත් කිරීමෙන් පසු මියගියේය.