ලොව දැනට ජීවත්ව සිටින වයස්ගතම තැනැත්තිය ලෙස නිල වශයෙන් පිළිගෙන ඇති බ්‍රිතාන්‍ය ජාතික එතල් කේටර්හැම් (Ethel Caterham) සිය 117 වැනි උපන්දිනය සමරා තිබේ.

එංගලන්තයේ සරේ හි පිහිටි ඇගේ සාත්තු නිවසේදී අගෝස්තු 21 වැනි දින ඇය පවුලේ පිරිස සහ හිතමිතුරන් සමඟ මෙම සන්ධිස්ථානය සලකුණු කළාය.

ඇය උපත ලැබුවේ 1909 අගෝස්තු 21 වන දින හැම්ප්ෂයර් හිදීය.

ගිනස් ලෝක වාර්තා ආයතනය සඳහන් කළේ කේටර්හැම් මහත්මිය අවුරුදු 117 ක වයසට පැමිණි බවට නිල වශයෙන් තහවුරු වූ ප්‍රථම බ්‍රිතාන්‍ය ජාතිකයා බවට පත්ව ඇති බවයි.

2025 අප්‍රේල් මාසයේදී බ්‍රසීල ජාතික ඉනා කැනබාරෝ ලූකාස් මව්තුමිය වයස අවුරුදු 116 දී මියයාමෙන් පසු ඇය ලොව ජීවත්ව සිටින වයස්ගතම තැනැත්තිය බවට පත්වූවාය.

කේටර්හැම් ලෝක යුද්ධ දෙකටම මුහුණ දී ඇති අතර, වයස අවුරුදු 110 දී කොවිඩ්-19 රෝගයෙන් ද සුවය ලැබුවාය. ඇය 1927 දී වයස අවුරුදු 18 දී බ්‍රිතාන්‍ය පවුලක කන්‍යාමවක්/සාත්තුකාරිනියක් ලෙස සේවය කිරීම සඳහා තනිවම ඉන්දියාවට සංචාරය කර ඇත.

ඇයගේ මෙම අසාමාන්‍ය දීර්ඝායුෂ ප්‍රමාණය තිබියදීත්, ලොව මෙතෙක් වාර්තා වූ වැඩිම ආයු කාලයට ළඟාවීමට ඇයට තවත් වසර කිහිපයක් අවශ්‍ය වේ.

ප්‍රංශ ජාතික ෂොන් කල්මොන්ට් වසර 122 ක් සහ දින 164 ක් ජීවත් වී එම වාර්තාවට හිමිකම් කියයි.