ප්‍රංශයේ පැරිස් නුවර පැවැත්වෙන 2024 ගිම්හාන ඔලිම්පික් උළෙලේ ගිනිසිළුව රැගෙන යන පිරිස අතර ශ්‍රී ලංකාවේ උපත ලද සම්මානලාභී සුප්‍රසිද්ධ බේකරිකරුවකු වන තර්ෂන් සෙල්වරාජා ද සිටී.

තර්ෂන් සෙල්වරාජා ඔලිම්පික් ගිනිසිළුව රැගෙන යන විට ප්‍රීති ඝෝෂා කිරීම සඳහා ප්‍රංශ-ශ්‍රී ලාංකිකයන් පැරීසියේ වීදි දිගේ පෙළ ගැසී සිටි බව ‘X’ හි වීඩියෝවක් බෙදාගනිමින් එරට ශ්‍රී ලංකා තානාපති කාර්යාලය පවසයි.

තර්ෂාන් සෙල්වරාජා 2023 මැයි මාසයේදී ප්‍රසිද්ධ චරිතයක් බවට පත්වූයේ, පාන් රසඥයන් පහළොස්දෙනෙකු විසින් ඔහු නිෂ්පාදනය කළ ප්‍රංශ පාන් තරඟකරුවන් 175 දෙනෙකු අතර හොඳම පාන් ලෙස තෝරා ගැනීමෙන් පසුවය.