July 29, 2025
ඉන්දියාවේ නවදිල්ලි නුවර පසුගියදා පැවති අන්තර්ජාතික සංචාරක සමුළුව සහ සංචාරක සම්මාන උළෙලේදී ශ්‍රීලන්කන් ගුවන් සේවය ‘දකුණු ආසියාව සඳහා හොඳම ගුවන් සේවය’ ලෙස නම් කෙරිණි.
මෙම සම්මානය දකුණු ආසියාව ලෝකයට සම්බන්ධ කරන ශ්‍රීලන්කන් ගුවන් සේවයේ ඊළඟ මට්ටමේ ජාලය, සුවිශේෂී ශ්‍රී ලාංකික ආගන්තුක සත්කාරය සහ කලාපය පුරා සංචාරකයන් සමඟ ඉහළ යමින් තිබෙන අර්ථවත් සම්බන්ධතා කීර්තිමත් විනිසුරු මඩුල්ලක් සහ ජූරි සභිකයින් විසින් පිළිගෙන ඇති බව ශ්‍රීලන්කන් ගුවන් සේවය පවසයි.
ශ්‍රීලන්කන් ගුවන් සේවයේ වාණිජ ප්‍රධානී දිමුතු තෙන්නකෝන් ප්‍රකාශ කළේ, “මෙම සම්මානය ලැබීම මගින් දකුණු ආසියාවේ අපගේ ගනුදෙනුකරුවන්ට සුවිශේෂී සංචාරක අත්දැකීමක් ලබා දීම සඳහා අපගේ කැපවීම තවදුරටත් තහවුරු කරනවා. මෙම පිළිගැනීම සංචාරක අත්දැකීම් සහ අපගේ ජාලය යන දෙකම වැඩිදියුණු කිරීමේ අපගේ ගවේෂණයේ සීමාවන් ඉදිරියට ගෙන යෑමට අපව පොළඹවන අතර එමඟින් අනාගතයේදී අපගේ ගනුදෙනුකරුවන්ට ඊටත් වඩා හොඳින් සේවය කළ හැකියි.” යනුවෙනි.
ඉන්දියාව කොළඹ සහ ඉන් ඔබ්බට සතිපතා ගුවන් ගමන් 90කට ආසන්න සංඛ්‍යාවක් සමඟින්, ශ්‍රීලන්කන් ගුවන් සේවය දිල්ලි, මුම්බායි, චෙන්නායි සහ බැංගලෝර් ඇතුළු ප්‍රධාන නගරවලින් දෛනික සේවා කිහිපයක් මෙන්ම දෙවැනි පෙළ නගරවලින් ශක්තිමත් සේවා ද සපයයි.
ගුවන් සේවය තිරුචිරප්පල්ලි සිට සතිපතා ගුවන් ගමන් අටක් ක්‍රියාත්මක කරන අතර, එම නගරයට සේවය කරන පළමු අන්තර්ජාතික ගුවන් සේවය ද වෙයි.
ශ්‍රීලන්කන් ගුවන් සේවය හයිද්‍රාබාද් සහ තිරුවානන්තපුරම් සිට සතිපතා ගුවන් ගමන් හතරක් බැගින් ක්‍රියාත්මක කරන අතරම මධුරෙයි වෙත සතිපතා ගුවන් ගමන් වාර හයක් ද සම්බන්ධ කරයි.
ඉන්දියාව ශ්‍රී ලංකාවේ විශාලතම සංචාරක මූලාශ්‍ර වෙළඳපොළයි .
දිවයිනට පැමිණෙන මුළු සංචාරකයන්ගෙන් පහෙන් එකක් පමණ ඉන්දියානුවන්ය.
ශ්‍රීලන්කන් ගුවන් සේවය දකුණු ආසියාවට පුළුල් බඳ සහ පටු බඳ සහිත එයාර්බස් ගුවන් යානා සමඟින් සේවය කරන අතර, ව්‍යාපාරික සහ ආර්ථික පන්ති යන කුටි දෙවර්ගයම ලබා දෙයි.
ගුවන් සේවයේ සම්මානලාභී ශ්‍රී ලාංකික ආහාර ඇතුළුව කලාපීය ආහාර සහ ගෝලීය රසයන්ගේ සම්මිශ්‍රණයක් මගීන්ට අපේක්ෂා කළ හැකිය.
ඔවුන් ගමන් කරන විට සැබෑ ශ්‍රී ලාංකික ආගන්තුක සත්කාරයේ උණුසුම භුක්ති විඳින අතරම, චිත්‍රපට, සංගීතය සහ තවත් බොහෝ දේ සමඟ විවේකය ගත හැකිය.
රාම රජුගේ වීර කාව්‍යයේ පුරාවෘත්තීය ස්ථාන ආවරණය වන පරිදි ගුවන් සමාගමේ ‘රාමායණ මංපෙත’ ව්‍යාපාරය වැනි විශේෂ ප්‍රවර්ධන වැඩසටහන් ද තිබේ.
