කුසල් ජනිත් පෙරේරාගේ විශිෂ්ට ශතකය හේතුවෙන් නවසීලන්තයට එරෙහිව අද නෙල්සන්හිදී පැවැති තෙවැනි සහ අවසන් විස්සයි20 තරගයෙන් ලකුණු 7ක තියුණු ජයක් අත්කර ගැනීමට ශ්‍රී ලංකාව සමත් විය.

මෙය 2006 වසරෙන් පසු නවසීලන්තයේදී ශ්‍රී ලංකාව ලැබූ පළමු T20I ජයග්‍රහණය සනිටුහන් කළද, සත්කාරක නවසිලන්ත කණ්ඩායම තරඟාවලිය 2-1ක් ලෙස ජය ගැනීමට සමත් විය.

කාසියේ වාසිය දිනූ නවසීලන්තය පළමුවෙන් පන්දු යැවීමට තීරණය කළ අතර, ශ්‍රී ලංකාව සිය ඕවර 20 තුළදී ලකුණු 218/5ක් රැස්කළේය.

කුසල් පෙරේරා පන්දු 46කින් ලකුණු 101ක් ලබා ගනිමින් සිය T20 දිවියේ හොඳම පිතිකරණය වාර්තා කළේය.

හතරේ පහර 13ක් සහ හයේ පහර 4ක් ඇතුළත් වූ ඔහුගේ ඉනිම මගින්, ඔහු අන්තර්ජාතික විස්සයි20 පිටියේ වේගවත්ම ශතකයක් රැස් කළ ශ්‍රී ලාංකිකයා බවට පත්විය.

එම ඉලක්කය හඹාගිය නවසීලන්ත කණ්ඩායම දැඩි සටනක නිරත වූ නමුත් පන්දුවාර 20 අවසානයේ කඩුලු 7ක් දැවී ලබාගත හැකිවූයේ ලකුණු 211ක් පමණි.