2025 ගෝලීය ප්‍රජාතන්ත්‍රවාදී රාජ්‍ය ශ්‍රේණිගත කිරීම්වල ශ්‍රී ලංකාව කැපීපෙනෙන පිම්මක් ගෙන ඇති අතර, ශ්‍රී ලංකාව පසුගිය වසරට සාපේක්ෂව ස්ථාන 15 කින් ඉදිරියට පැමිණ තිබේ.

ශ්‍රී ලංකාව පිළිබඳ ප්‍රජාතන්ත්‍රවාදය සහ මැතිවරණ ආධාර ආයතනයේ (IDEA) නවතම වාර්තාවට අනුව, මෙම දියුණුව රටේ නව පාලනයේ, ප්‍රකාශනයේ නිදහස සහ මාධ්‍ය නිදහස ඇතුළු ප්‍රජාතන්ත්‍රවාදී දර්ශක කිහිපයක ජයග්‍රහණ පිළිබිඹු කරයි.

කෙසේවෙතත් මෙම ප්‍රගතිය තිබියදීත්, මෙම වාර්තාව අභියෝග ද මතුකරයි: එනම්, රැස්වීමේ නිදහස හා සම්බන්ධ අයිතිවාසිකම් අඛණ්ඩව පහත වැටෙමින් පවතින බව වාර්තාවේ සඳහන් වේ.

කෙසේවෙතත්, ගෝලීය රටාවන් පෙන්නුම් කරන්නේ පසුගිය වසරේ ලොව පුරා ප්‍රජාතන්ත්‍රවාදය අඛණ්ඩව දුර්වල වෙමින් පවතින බවයි.

වාර්තාවේ, රටවල් 94 ක්, නැතහොත් සමීක්ෂණයට ලක්කළ රටවල්වලින් අඩකට වඩා – 2019 සහ 2024 අතර අවම වශයෙන් ප්‍රධාන ප්‍රජාතන්ත්‍රවාදී දර්ශකවලින් එකක හෝ පහත වැටීමක් පෙන්නුම් කළ බව වාර්තාව පවසයි.

සාපේක්ෂව, රටවල් තුනෙන් එකක් පමණක් ප්‍රගතියක් ලබා ඇත.

“ලෝකයේ ප්‍රජාතන්ත්‍රවාදයේ වත්මන් තත්ත්වය කනස්සල්ලට කරුණකි,” IDEA මහලේකම් කෙවින් කැසාස්-සමෝරා පවසයි.