පාපන්දු ක්‍රීඩක නිශාන් වේලුපිල්ලේ ඕස්ට්‍රේලියාව වෙනුවෙන් සිය අන්තර්ජාතික මංගල තරගයට එක්වෙමින් 2026 FIFA ලෝක කුසලාන සුදුසුකම් ලැබීමේ තරගයේදී විශිෂ්ට දස්කම් දක්වා තිබේ.

ශ්‍රී ලාංකේය දෙමළ උරුමයක් හිමි නිශාන් වේලුපිල්ලේ දැනට 23 හැවිරිදි වියේ පසුවෙයි.

මෙල්බර්න් නගරයෙන් බිහිවුණු ක්‍රීඩකයකු වන ඔහු ඕස්ට්‍රේලියානු ලෝක කුසලාන බලාපොරොත්තු සජීවීව තබා ගනිමින් චීනයට එරෙහිව ගෝල 3-1ක ජයක් ලැබීමේදී තීරණාත්මක ගෝලයක් වාර්තා කිරීමට සමත්විය.

ඕස්ට්‍රේලියාව 2026 FIFA ලෝක කුසලානය දෙසට ඔවුන්ගේ ගමන අඛණ්ඩව පවත්වාගෙන යද්දී නිශාන් වේලුපිල්ලේගේ ක්‍රියාකාරිත්වය ඔවුන් වැඩි වශයෙන් ලබාගනු ඇතැයි අපේක්ෂා කෙරේ.