ජනතාව විසින් දී තිබෙන තීරණය පිළිගනිමින් ජනතාව සහ රට වෙනුවෙන් රජයට උපරිම සහයෝගය ලබාදීමට තම පක්ෂය සූදානම් බව සමගි ජන බලවේගය ඊයේ ප්‍රකාශ කළේය.

එම පක්ෂයේ සභාපති ඉමිතියාස් බාකීර් මාකර් පැවසුවේ ජනතාව පෙර නොවූ විරූ ජනවරමක් ජාතික ජන බලවේගයට ලබා දී ඇත්තේ මැතිවරණ ව්‍යාපාරයේදී දුන් පොරොන්දු ඉටු කිරීමට බවයි.

“මෙම තීරණය පිටුපස මිනිසුන්ගේ බොහෝ අපේක්ෂාවන් පවතිනවා, මෙම අපේක්ෂාවන් යථාර්ථයක් බවට පරිවර්තනය කිරීමට රජය උත්සාහ කිරීම අත්‍යවශ්‍යයි” යනුවෙන් බාකීර් මාකර් පැවසීය.

ආර්ථික අර්බුදයෙන් පීඩාවට පත් ජනතාව එම බරින් මුදවා රට නිවැරදි සංවර්ධන මාවතකට යොමු කිරීම ජාතික ජන බලවේගය රජයේ අරමුණ වියයුතු බව ඔහු පැවසීය.

“ආර්ථික අර්බුදයෙන් පීඩාවට පත් ජනතාව මත පැටවී තිබෙන බර සඳහා රජය විසඳුම් ලබා දෙනු ඇතැයි අපි බලාපොරොත්තු වෙනවා,” යනුවෙන් ඔහු පැවසීය.