ඉන්දීය රුපි­යල් කෝටි 9.2කට (ශ්‍රී ලංකා රුපි­යල් කෝටි 31කට) කොල්කටා නයිට් රයි­ඩර්ස් පිල බංග්ලා­දේශ වේගපන්දු යවන ක්‍රීඩක මුස්තා­ෆි­සුර් රහ්මාන් මිලදීගැනී­මත් සමඟ එහි හිමිකරු බොලි­වුඩ් සුපිරි තරු ෂාරුක් ඛාන් ඉන්දි­යාවේ ‘ද්‍රෝහි­යෙක්’ ලෙස දෝෂා­රෝ­පණ එල්ල වෙමින් පවතී.

හින්දු ආධ්‍යා­ත්මික නාය­ක­යන් හා ඇතැම් දේශ­පා­ලන නාය­ක­යන් මෙලෙස ෂාරුක් ඛාන්ට බැන තර්ජ­නය කිරී­මට පිය­වර ගෙන ඇත්තේ, බංග්ලා­දේ­ශය තුළ හින්දු භක්ති­ක­යන්ට එරෙ­හිව ම්ලේච්ඡ ක්‍රියා සිදු­වෙද්දී බංග්ලා­දේශ ක්‍රිකට් ක්‍රීඩ­ක­යාට විශාල මුද­ලක් ගෙවා මිලදී ගැනීම හේතු­වෙනි.

තවද ම්ලේච්ඡ ක්‍රියා හේතු­වෙන් ඝාත­න­යට ලක් වූ හින්දු දරු­වන්ගේ පවු­ල්ව­ලට මුස්තා­ෆි­සුර්ට ගෙවී­මට සූදා­නම් වූ රුපි­යල් කෝටි 9.2ක ගාස්තුව ගෙවන ලෙස හින්දු ආධ්‍යා­ත්මික නාය­ක­යකු වන දේව්කි­න­න්දන් තාකූර් ෂාරුක් ඛාන්ගෙන් ඉල්ලා ඇත.

එමෙන්ම භාර­තීය ජනතා පක්ෂ නායක සංගීත් සෝම් ද ෂාරුක් ඛාන්ව ප්‍රසි­ද්ධි­යේම වි‍වේච­නය කර ඇත.

කෙසේවුවද මිලදීගත් වමත් වේගපන්දු යවන්නා, ඉන්දීය ක්‍රිකට් පාලක මණ්ඩ­ලයේ නියෝ­ගය මත ෂාරුක් ඛාන්ගේ කොල්කටා නයිට් රයි­ඩර්ස් කණ්ඩා­ය­මෙන් ඉව­ත්කොට ඇති අතර, ඒ වෙනු­වෙන් වෙනත් ක්‍රීඩ­ක­යකු බඳවාගන්නා ලෙස පාලක මණ්ඩ­ලය දැනුම්දී තිබේ.

මේ අතර, බංග්ලා­දේ­ශය ඉන්දි­යා­වට එරෙ­හිව එක්දින තරග තුනක් සහ විස්සයි20 තරග තුනක් ඩකා­හිදී පැවැ­ත්වී­මට නිය­මි­තය.

ඉන්දීය ක්‍රිකට් පාලක මණ්ඩ­ලය ඊට රජයේ අනු­මැ­තිය බලා­පො­රො­ත්තු­වෙන් සිටින බැවින් තරග සංචා­රය පිළි­බඳ අවි­නි­ශ්චිත තත්ත්ව­යක් ද මතුව ඇත.