November 3, 2025
සංවිධානාත්මක අපරාධ කල්ලියක සාමාජිකයකු ලෙස සැළකෙන ‘මධුසංඛ’ හෙවත් ‘සමපෝෂ’ නමින් හඳුන්වන සැකකරුවකු පොලිසිය විසින් අත්අඩංගුවට ගෙන තිබේ.
කොළඹ උතුර කොට්ඨාස අපරාධ විමර්ශන ඒකකය විසින් මෙම අත්අඩංගුවට ගැනීම සිදු කරන ලදී.
පොලිසියට අනුව, සැකකරු කුප්‍රකට සංවිධානාත්මක අපරාධකරුවකු සහ ප්‍රධාන මත්ද්‍රව්‍ය ජාවාරම්කරුවකු වන ‘වැල්ලේ සාරංග’ ලෙසද හඳුන්වන ගමගෙදර සාරංග ප්‍රදීප්ගේ සමීපතම සගයෙකි.
ග්‍රෑන්ඩ්පාස් ප්‍රදේශයේදී සැකකරු අත්අඩංගුවට ගත් අතර, ඔහු සතුව තිබී අයිස් මත්ද්‍රව්‍ය ග්‍රෑම් 26.890ක් පොලිසිය විසින් සොයා ගන්නා ලදී.
සැකකරු මිනීමැරුම් නඩු පහකට ද සම්බන්ධ බව පොලිසිය තවදුරටත් පැවසීය.
