October 22, 2026
රට පුරා සිදුවූ විදුලිය බිඳවැටීම්, විදුලි සැපයුමේ ක්ෂණික වෙනස්වීම් සහ විදුලි උපකරණවලට සිදුවන හානිවලින් පීඩාවට පත් පාරිභෝගිකයින් සඳහා බලාත්මක කළ හැකි සේවා ප්‍රමිතීන් සහ වන්දි ගෙවීමේ ක්‍රමවේදයක් සකස් කරන ලෙස එක්සත් ජාතික පක්ෂයේ හිටපු නියෝජ්‍ය නායක පාර්ලිමේන්තු මන්ත්‍රී රවි කරුණානායක ආණ්ඩුවෙන් ඉල්ලා සිටියේය.
එහිදී ඔහු පැවසුවේ ඔක්තෝබර් 17 සහ පෙබරවාරි 9 වනදා සිදුවූ විදුලි බිඳවැටීම් හේතුවෙන් ජාතික පද්ධති මෙහෙයුම්කරුට සහ පාරිභෝගිකයින්ට සිදුවූ අලාභයන් වෙන වෙනම තක්සේරු කළ යුතුව ඇති බවයි.
එම අලාභයන් ගණනය කිරීම සඳහා භාවිතා කළ ක්‍රමවේදයන්ද පාර්ලිමේන්තුවට ඉදිරිපත් කළ යුතු බව මන්ත්‍රීවරයා පැවසීය.
පාරිභෝගික අයිතීන් සුරැකීම සඳහා මෙවැනි වන්දි ක්‍රමවේදයක් අත්‍යවශ්‍ය බව ඔහු එහිදී අවධාරණය කළේය.
ජනතාවට සිදුවන අසාධාරණය වැළැක්වීමට රජය වහා පියවර ගත යුතු බවද ඔහු පැවසීය.
බැටරි බලශක්ති ගබඩා පද්ධති ගැන තොරතුරු ඉල්ලයි
