November 3, 2024
පළපුරුදු නායකත්වයක් නොමැතිව ශ්‍රී ලංකාව යළි අර්බුදයකට යෑමේ අවදානමක් පවතින බවත් පාර්ලිමේන්තුවට පළපුරුදු පුද්ගලයන් තෝරා පත් කර ගන්නා ලෙසත් හිටපු ජනාධිපති රනිල් වික්‍රමසිංහ අනතුරු අඟවමින් ඉල්ලීමක් කරයි.
කොළඹදී අදහස් දක්වමින් වික්‍රමසිංහ කියා සිටියේ වත්මන් රජයට සැළකිව යුතු අත්දැකීම් ඇති සාමාජිකයන් නොමැති අතර අනාගත වියවුල් වළක්වා ගැනීම සඳහා දැනුමැති නායකයන්ගේ අවශ්‍යතාවක් පවතින බවයි.
“මම කලින් පාර්ලිමේන්තුවේ හිටියා, මම විශ්වාස කරනවා දැන් අපි අපේ කණ්ඩායමෙන් අලුත් කණ්ඩායමක් හදන්න ඕන කියලා. මේ අය තමයි දැනට රටේ ඉන්න එකම පළපුරුදු අය” යැයි ඔහු පැවසීය.
වික්‍රමසිංහ සඳහන් කළේ තම කණ්ඩායම වසර තුන හතරක කාලයක් සේවය කර ඇති අතර රට ආර්ථික අර්බුදයෙන් ගොඩ ඒමේ දී ප්‍රධාන කාර්යභාරයක් ඉටු කළ බවය.
නව පාර්ලිමේන්තුවට ප්‍රවීණ මන්ත්‍රීවරුන් නොමැතිකම අවදානමක් විය හැකි බව ද ඔහු පැවසීය.
ශ්‍රී ලංකාව බංකොලොත්භාවයෙන් ශීඝ්‍රයෙන් ගොඩ ඒම ගෝලීය වශයෙන් අසමසම බව ඔහු අවධාරණය කළේය.
කෙසේවෙතත්, පළපුරුදු නායකත්වයක් නොමැතිව ස්ථාවරත්වයට තර්ජනයක් විය හැකි බවට ඔහු අනතුරු ඇඟවූයේ පසුගියදා කොතලාවල ආරක්ෂක විශ්වවිද්‍යාලයේ බස් රථයක් පෙරළී සිසුවියන් දෙදෙනෙකුගේ ජීවිත බිලිගත් අනතුර සමඟ සංසන්දනය කරමිනි.
